खंडणीप्रकरणी तोतया पत्रकार अटकेत

तुर्भे येथील मटण विक्रेत्याला खोट्या गुन्ह्यात अडकवण्याची भीती दाखवून खंडणी मागणाऱ्या दोघांना एपीएमसी पोलिसांनी अटक केली आहे. दोघेही स्वत:ला पत्रकार सांगत असून

नवी मुंबई : तुर्भे येथील मटण विक्रेत्याला खोट्या गुन्ह्यात अडकवण्याची भीती दाखवून खंडणी मागणाऱ्या दोघांना एपीएमसी पोलिसांनी अटक केली आहे. दोघेही स्वत:ला पत्रकार सांगत असून त्यांच्यावर यापूर्वीही गुन्हे दाखल आहेत. तुर्भे येथील मटण विक्रेते शब्बीर पठाण यांनी ३ सप्टेंबर रोजी सांगली येथून म्हशीचे मांस मागवले होते. यानुसार पहाटे २ वाजण्याच्या सुमारास मांस घेऊन आलेली जीप मॅफ्को मार्केटलगत उभी होती. यावेळी तिथे आलेल्या दोघांनी जीपचे चालक व क्लीनरकडे मटणासंबंधीची चौकशी केली. चालकाने दिलेली फाडून त्याच्याकडून ५ हजार रुपयांची रोख रक्कमही काढून घेतली. तसेच कारवाईपासून वाचण्यासाठी त्यांनी मटण विक्रेते पठाण यांच्याकडे १ लाख रुपये खंडणीची मागितले. याप्रकरणी पठाण यांनी दिलेल्या तक्ररीवरून पोलिसांनी गुरुपाल सिंग व सुशील सोयी या दोघा तोतया पत्रकारांना अटक केली आहे. दरम्यान, त्यांनी इतरही मटण व्यावसायिकांना धमकावून खंडणी उकळ्याची शक्यता पोलिसांनी वर्तविली आहे. (प्रतिनिधी)