Navi Mumbai News | Latest Navi Mumbai News in Marathi | Navi Mumbai Local News Updates | ताज्यबातम्या नवी मुंबई | नवी मुंबई समाचार | Navi Mumbai Newspaper

लोकमत न्यूज नेटवर्कनवी मुंबई : मोबाइल चोरीच्या संशयातून नागरिकांनी केलेल्या मारहाणीत तरुणाचा मृत्यू झाल्याची घटना सानपाडा येथे घडली. हा तरुण मोबाइलचोर असून यापूर्वीही परिसरात टेहळणी करताना नागरिकांनी पाहिले होते. त्यावरून मंगळवारी दुपारी तो जमावाच्या हाती लागला असता झालेल्या मारहाणीत उपचारादरम्यान त्याचा मृत्यू झाला. ललित गोयल (२७) असे मृत झालेल्या संशयित चोरट्याचे नाव आहे. तो शिरवणे परिसरात राहणारा असून मंगळवारी दुपारी सानपाडा गाव परिसरात संशयास्पदरीत्या फिरत होता. यावेळी काही नागरिकांना त्याच्या हालचालीवर संशय आला. काहींनी यापूर्वीही त्याला परिसरात टेहळणी करताना पाहिले होते. यामुळे जमावाने त्याला ताब्यात घेऊन चोप देण्यास सुरुवात केली. त्याचवेळी अज्ञात व्यक्तीने पोलिसांच्या नियंत्रण कक्षाला चोर पकडल्याची माहिती दिली. त्यामुळे सानपाडा पोलीस घटनास्थळी पोहोचले असता, ललित हा गंभीर अवस्थेत भिंतीलगत टेकून बसलेला होता. यामुळे पोलिसांनी त्याला रुग्णालयात दाखल केले असता उपचारादरम्यान त्याचा मृत्यू झाला. ललितला व्यसन ललित याला दारूचे व्यसन असून घटनेवेळीही तो नशेत व उपाशी होता, असेही सांगण्यात आले. त्यामुळे मारहाण असह्य होऊन त्यातच त्याचा मृत्यू झाला. याप्रकरणी संबंधित जमावावर गुन्हा दाखल झाला असून सानपाडा पोलीस अधिक तपास करत आहेत.

Navi Mumbai (Marathi News)

ठाणे पोलीस आज केतकी चितळेला तिच्या नवी मुंबईत असलेल्या घराकडे रवाना झाले. ...

शरद पवारांबद्दल आक्षेपार्ह पोस्ट करणाऱ्या केतकी चितळेला पोलिसांकडून अटक ...

सानपाड्यातील घटना : मोबाइल चोरल्याचा संशय ...