Navi Mumbai Marathi News | नवी मुंबई मराठी बातम्या | Latest Navi Mumbai News in Marathi | नवी मुंबई ताज्या बातम्या | Navi Mumbai Crime Marathi News | नवी मुंबई ब्रेकिंग न्यूज़| Breaking & Live Navi Mumbai News

नारायण जाधव लोकमत न्यूज नेटवर्कनवी मुंबई : राज्यातील मिलेनियम प्लस २१ शहरांना १५व्या वित्त आयोगांतर्गत पाणीपुरवठा व घनकचरा व्यवस्थापनासाठी २०२२-२३ या वर्षासाठी ८१९ काेटी ३० लाखांचे भरीव अनुदान नगरविकास विभागाने २४ मे २०२३ रोजी वितरित केले. मात्र, यात उरण व पनवेलसह कर्जत, खोपोली, पेण, अलिबाग यांना मात्र ठेंगा आहे. मुंबई पालिका ३३४ कोटी तीन लाख ४३ हजार २६४, नवी मुंबई ३३ कोटी ३४ लाख ४९ हजार ४०७, ठाणे ५१ कोटी ७४ लाख १४ हजार ७४४, केडीएमसी ३६ कोटी ९१ लाख ४६ हजार ७४८, मीरा-भाईंदर २४ कोटी २७ लाख ४० हजार ३१०, उल्हासनगर १३ कोटी २७ लाख तीन हजार ३१३, अंबरनाथ ८ कोटी २४ लाख ६७ हजार ६०० व बदलापूर सहा कोटी १६ लाख ३२ हजार ६१४ तर वसई-विरारला ३० कोटी ६० लाखांचे बळ दिले आहे.रायगडमध्ये संताप १५व्या वित्त आयोगाच्या अनुदानातून एमएमआरडीए क्षेत्रातील नवी मुंबई आंतरराष्ट्रीय विमानतळ, सी लिंक, जेएनपीएसारखे मोठे बंदर आणि तळोजा, रसायनीसारख्या औद्योगिक वसाहतींचे शहर असलेल्या पनवेल महापालिका आणि उरण नगरपालिकेसह कर्जत, खोपोली, पेण, अलिबाग वगळल्याने संताप व्यक्त होत आहे. कारण याच भागात आता तिसरी मुंबई विकसित होत आहे. विरार-अलिबाग कॉरिडोर, एक्सप्रेस वे परिसरातील ग्रोथ सेंटर, खासगी विकासकांच्या टाऊनशिप आकार घेत आहेत. याच भागात पाणीटंचाईच्या झळा तीव्र आहेत. स्वच्छ भारत अभियानास बळघनकचरा व्यवस्थापनासाठी अनुदान दिल्याने स्वच्छ भारत अभियानात महत्त्वाचा घटक असलेल्या घनकचरा व्यवस्थापनातील त्रुटी दूर करून क्षेपणभूमी, कचऱ्यापासून खतनिर्मिती, वीजनिर्मिती, घनकचऱ्यापासून विटा बनविणे यांसारखे प्रकल्प राबविता येणार आहेत. यातून या शहरांतील रस्तोरस्ती दिसणारे कचऱ्याचे ढीग, दुर्गंधी दूर होऊन देशातील स्वच्छ भारत अभियानातील त्यांची रँकिंग वाढण्यासही मदत होणार आहे. या शहरांनाही मिळाले अनुदानपुणे नागरी समूहातील पाच शहरांना १४० कोटी, नाशिक नागरी समूहातील तीन शहरांना ३८ कोटी ७० लाख, छत्रपती संभाजीनगर विभागातील शहरे ३३ कोटी आणि नागपूर नागरी समूहातील महानगरांना ६९ कोटींचे अनुदान वितरित केले आहे.

Navi Mumbai (Marathi News)

यामुळे मेरिटाइम बोर्डास मोठा दिलासा मिळाला आहे. ...

काँग्रेस, राष्ट्रवादीसह संघर्ष समितीची मागणी, आंदोलनाचा इशारा ...

शहराला नशामुक्त करण्याच्या अनुशंघाने नवी मुंबई पोलिसांकडून प्रयत्न सुरु आहेत. ...

महाराष्ट्र लोकसेवा आयोगाच्या वेबसाईटवरून उमेदवारांचे हॉलतिकीत चोरणाऱ्याला सायबर पोलिसांनी अटक केली आहे. तो ...

बुधवारी रात्री त्याला अटक केल्याची माहिती पोलिस आयुक्त मिलिंद भारंबे यांनी सांगितले. ...

कामोठेचे व्यावसायिक दत्तात्रेय कमलाकर गोवारी यांनी २०२१ मध्ये दासला घर बांधण्यासाठी दिले. ...

१५ व्या वित्त आयोगाचे मुंबईला ३३४ तर नवी मुंबईला ३३.३४ कोटींचे बळ ...