Navi Mumbai Marathi News | नवी मुंबई मराठी बातम्या | Latest Navi Mumbai News in Marathi | नवी मुंबई ताज्या बातम्या | Navi Mumbai Crime Marathi News | नवी मुंबई ब्रेकिंग न्यूज़| Breaking & Live Navi Mumbai News

पनवेल : कळंबोली वसाहतीत डासांचा प्रादरुभाव वाढला असल्याने या परिसरात मलेरियाची साथ पसरली आहे. याबाबत सिडकोचा आरोग्य विभाग आणि हिवताप निमरूलन विभागाकडून मात्र प्रतिबंधात्मक उपाययोजना करण्याकडे कानाडोळा केला जात आहे.कळंबोली वसाहतीत रस्त्यांवर मोठया प्रमाणात फेरीवाले बसत असून ते सांडपाणी रस्त्यावर टाकतात. याशिवाय टाकाऊ कचराही आजूबाजूला टाकला जातो. सिडकोकडून नियमीत कचरा उचलला जात नसल्याने स्वच्छतेचा बोजवारा उडलेला आहे. कळंबोलीच्या बाजूने उघडे नाले वाहत असून त्यामध्ये सांडपाणी सोडले जाते. गटारे साफसफाई न झाल्याने ठिकठिकाणी डासांची उत्पत्ती होते. जवळपास सर्वच सेक्टरमध्ये डासांचे प्रमाण वाढले असल्याने रहिवासी त्रस्त झाले आहेत. त्यामुळे मलेरियाची साथ पसरली आहे असल्याचे स्थानिकांचे म्हणने आहे. रोडपाली, एलआयजी आणि सिडको वसाहतींमध्येहे प्रमाण अधिक आहे. रस्त्यांच्या खड्डयांमध्ये पाणी साचल्याने डास वाढले आहे. याबाबत सिडकोकडून ठोस उपाययोजनांचा अभाव दिसून येत आहे. सेक्टर - 14 आणि 15 मध्ये अनेक भूखंड मोकळे असून या जागेवर झाडेझुडपे मोठया प्रमाणात वाढली आहेत. शिवाय डेब्रीज व इतर कचराही साठल्याने डासांच्या वाढीस पोषक वातावरण तयार झाले आहे. कचरा उचलण्यास टाळाटाळ, फवारणीला सुटी च्कळंबोली वसाहतीत नियमीत कचरा उचलला जात नसल्याने घाणीचे साम्राज्य पसरले आहे. कचरा उचलला गेल्यानंतर त्या ठिकाणी पावडर टाकण्यात येत नाही, त्याचबरोबर औषध फवारणी करण्याकरीता ठेकेदार नेमला आहे. च्मात्र गेल्या कित्येक महिन्यांपासून फवारणी झाली नसल्याचे रहिवाशांचे म्हणणो आहे. त्याचबरोबर त्यामध्ये औषधेही वापरली जात नाहीत. याबाबत सिडकोचे अधिकारी तपासणी करताना दिसत नसल्याने डासांचे प्रमाण वाढले असून रहिवासी त्रस्त झाले आहेत. सिडकोकडून नियमीत फवारणी केली जाते. तरीसुध्दा तक्रार आल्यास तेथे फवारणी करण्यात येईल. - डॉ. बावस्कर, मुख्य आरोग्य अधिकारी, सिडको

Navi Mumbai (Marathi News)

बेस्टभाडेवाढीच्या संभाव्य डबल बारनंतर दिवाळीत मुंबईकरांसाठी आणखी एक शॉक देणारी बातमी आह़े ...

कळंबोली वसाहतीत डासांचा प्रादरुभाव वाढला असल्याने या परिसरात मलेरियाची साथ पसरली आहे. ...