Navi Mumbai News | Latest Navi Mumbai News in Marathi | Navi Mumbai Local News Updates | ताज्यबातम्या नवी मुंबई | नवी मुंबई समाचार | Navi Mumbai Newspaper

नवी मुंबई : वाहन चोरीच्या १९ हुन अधिक गुन्ह्यांमध्ये पोलिसांना पाहिजे असलेला आरोपी व त्याचा साथीदार पोलिसांच्या हाती लागला आहे. गुन्हे शाखेच्या पथकाने कौशल्याने मेरठ व साकीनाका येथे कारवाई करून दोघांच्या मुसक्या आवळल्या आहेत. चौकशीदरम्यान अहमदनगर येथे चोरीचे वाहन घेऊन जाताना त्यांनी केलेल्या अपघातामध्ये एकाचा मृत्यू झाल्याचीही बाब उघड झाली आहे.नवी मुंबई पोलिसांपुढे वाहनचोरांचे मोठे आव्हान निर्माण झाले आहे. त्यामुळे वाहनचोरीच्या गुन्ह्यात सक्रिय असणाऱ्यांची माहिती मिळवून त्यांना जेरबंद करण्याचे प्रयत्न नवी मुंबई पोलिसांकडून सुरु आहेत. त्याच उद्देशाने गुन्हे शाखा पोलिसांकडून वेगवेगळ्या ठिकाणचे सीसीटीव्ही तपासून गुन्हेगारांची माहिती मिळवली जात आहे. त्यासाठी उपायुक्त अमित काळे, सहायक आयुक्त गजानन राठोड यांच्या मार्गदर्शनाखाली विविध पथके तयार करण्यात आली आहेत. त्यामध्ये कक्ष एकचे वरिष्ठ निरीक्षक आबासाहेब पाटील यांच्या पथकाला सराईत गुन्हेगाराची माहिती मिळाली होती. त्याचा शोध घेण्यासाठी सहायक निरीक्षक निलेश पाटील, निलेश बनकर, गंगाधर देवडे, उपनिरीक्षक सचिन बाराते, नरेंद्र पाटील, प्रशांत कुंभार, अशोक खैरे, विश्वास पवार, सुमंत बांगर, बालाजी चव्हाण, दिपक पाटील, अतिश कदम, अजय वाघ आदींचे पथक करण्यात आले होते. त्यांनी उत्तर प्रदेशच्या मेरठ परिसरात सापळा रचला होता. यावेळी मोहम्मद फैज अकबर अली शेख (४८) हा पोलिसांच्या हाती लागला. चौकशीसाठी त्याला नवी मुंबईत आणले असता त्याचा साथीदार मोहम्मद शमीम शकी शेख (३५) याची माहिती समोर येताच त्यालाही साकीनाका येथून अटक करण्यात आली. सखोल चौकशीत दोघांवरही १९ पेक्षा अधिक वाहनचोरीचे गुन्हे दाखल असून यामध्ये मुंबई, नवी मुंबईसह ठाणे, अहमदनगर पोलिसांना ते पाहिजे होते असेही समोर आले. शिवाय अहमदनगर येथे गतमहिन्यात ते एक कार चोरी करून पळत असताना दुचाकीला दिलेल्या धडकेत दुचाकीस्वाराचा मृत्यू झालेला असल्याचेही समोर आले. त्यांनी केलेले आठ गुन्हे उघडकीस आले असून त्यामधील तीन कार हस्तगत करण्यात आल्या आहेत. त्यांनी चोरीच्या वाहनांची कुठे विल्हेवाट लावली याचाही अधिक तपास गुन्हे शाखा पोलिस करत आहेत.

Navi Mumbai (Marathi News)

नऊ वर्षे उलटले तरी निर्णय कागदावरच : पर्यावरणप्रेमींनी मुख्यमंत्र्यांना करून दिली आठवण ...

समाजासाठी बलिदान द्यावे लागले तरी मागे हटणार नाही, असा निर्धार मनोज जरांगे - पाटील यांनी बुधवारी केला. ...

हर्बर लाईनवरील वाशी रेल्वे स्थानकात एक विचित्र, परंतु माणूसकी अजूनही जीवंत आहे, हे सांगणारा प्रसंग घडला. ...

विल्हेवाट लावलेल्या लावलेल्या अमंलीपदार्थांची किंमत कोट्यवधींच्या घरात असल्याचे समजते. ...

आरक्षणासाठी मुंबईच्या वेशीवर धडकलेल्या लाखो समाज बांधवांची नवी मुंबईकरांनी काळजी घेतली. ...

२८ फेब्रुवारीपर्यंत अर्ज करण्याची मुदत : जास्तीत जास्त विद्यार्थ्यांनी अर्ज करण्याचे आवाहन. ...

मराठा महोत्सवाचे कामोठे याठिकाणी जरांगे यांच्या हस्ते उदघाटन करण्यात आले. ...