नवी दिल्ली : देशातील तरुण पिढी अमली पदार्थांच्या आहारी जात असून, त्यांना ड्रग्जच्या मगरमिठीतून बाहेर काढण्यासाठी सर्वतोपरी प्रयत्न करण्याची नितांत आवश्यकता असल्याचे मत देशाचे उपराष्ट्रपती सी. पी. राधाकृष्णन यांनी व्यक्त केले आहे.
'लोकमत एडिटोरियल बोर्डा'चे चेअरमन आणि राज्यसभेचे माजी खासदार डॉ. विजय दर्डा यांनी गुरुवारी उपराष्ट्रपती राधाकृष्णन यांची निवासस्थानी भेट घेऊन लोकमत पार्लमेंटरी पुरस्कार सोहळ्याचे निमंत्रण दिले. उपराष्ट्रपतींनी यासाठी तात्पुरती १८ डिसेंबरची तारीख दिली आहे. डॉ. दर्डा यांनी यावेळी सेवाग्राम येथे विणलेली शाल उपराष्ट्रपतींना भेट दिली.
यावेळी राधाकृष्णन म्हणाले की, आपले मराठी भाषेवर विशेष प्रेम आहे. प्रत्येकाने आपल्या मातृभाषेचा अभिमान बाळगायला हवा. साध्या राहणीमानाला आता कमजोरी समजली जाते, याबाबत त्यांनी खंत सुद्धा व्यक्त केली.
चार श्रेणींमध्ये लोकमत पार्लमेंटेरियन अवॉर्ड
लोकमत पार्लमेंटेरियन अवॉर्डसाठी लोकसभा व राज्यसभेतील प्रत्येकी चार-चार खासदारांची निवड केली जाते. हा अवॉर्ड 'लाइफटाइम अचिव्हमेंट अवॉर्ड', 'बेस्ट पार्लमेंटेरियन ऑफ द इयर', 'बेस्ट वुमन पार्लमेंटेरियन ऑफ द इयर' व 'बेस्ट डेब्युटंट पार्लमेंटेरियन ऑफ द इयर' अशा ४ श्रेणींत दिला जातो.
लोकमत समूहाचा जनजागृतीसाठी पुढाकार अत्यंत महत्त्वाचा
उपराष्ट्रपती राधाकृष्णन यांनी यावेळी तरुण पिढीमध्ये अमली पदार्थांचे व्यसन वाढत चालले असल्याच्या मुद्द्यावर गंभीर चिंता व्यक्त केली.
तरुणांना ड्रग्जपासून परावृत्त करण्यासाठी बिग बी अमिताभ बच्चन, रजनीकांत आणि चिरंजीवी यांच्यासारख्या चित्रसृष्टीतील दिग्गज कलावंतांना सोबत घेऊन मोहीम राबविण्याची गरज आहे.
पैसा भारताविरुद्ध दहशतवादी
ड्रग्जचा व्यापार फोफावत आहे आणि हा कारवायांसाठी वापरला जातो, हे जास्त चिंताजनक असल्याचे उपराष्ट्रपती म्हणाले. महाराष्ट्र, गोवा व दिल्लीत सर्वाधिक वाचल्या जाणाऱ्या लोकमत वृत्तपत्राच्या माध्यमातून लोकमत समूहानेदेखील 'नो ड्रग्ज'बाबत जनजागृतीसाठी पुढाकार घ्यायला हवा, असा सल्ला उपराष्ट्रपतींनी दिला.
तेव्हा, हा विषय आमच्याही जिव्हाळ्याचा असल्याचे सांगून डॉ. विजय दर्डा यांनी महाराष्ट्रातील शाळा व सर्व महाविद्यालयांमध्ये 'नो ड्रग्ज' मोहीम राबविण्यासाठी पुढाकार घेण्याचे आश्वासन उपराष्ट्रपतींना दिले.
Web Summary : Vice President Radhakrishnan expressed concern over youth's drug addiction, emphasizing the need for comprehensive efforts. He urged Lokmat to raise awareness and suggested involving celebrities in anti-drug campaigns. Dr. Darda assured him of initiating 'No Drugs' campaigns in Maharashtra schools and colleges.
Web Summary : उपराष्ट्रपति राधाकृष्णन ने युवाओं में नशीली दवाओं की लत पर चिंता व्यक्त की और व्यापक प्रयासों की आवश्यकता पर जोर दिया। उन्होंने लोकमत से जागरूकता बढ़ाने का आग्रह किया और एंटी-ड्रग अभियानों में हस्तियों को शामिल करने का सुझाव दिया। डॉ. दर्डा ने उन्हें महाराष्ट्र के स्कूलों और कॉलेजों में 'नो ड्रग्स' अभियान शुरू करने का आश्वासन दिया।