शरीरसंबंध ठेवण्यासाठी पती भाग पाडत होता; पत्नीने प्रियकरासोबत रचला प्लॅन, पोलिसही हैराण

सदर घटनेतील धक्कादायक बाब म्हणजे, आरोपी महिलाच आपला पती बेपत्ता असल्याची तक्रार घेऊन पोलीस स्थानकामध्ये गेली.

उत्तराखडंमधील हरिद्वारमध्ये विवाहबाह्य संबंधांमधून एकाची हत्या झाल्याची धक्कादायक घटना समोर आली आहे. या महिलेने प्रियकराच्या मदतीने पतीची हत्या करुन त्याच्या मृतदेहावर पेट्रोल टाकून मृतदेह जाळून टाकण्याचा प्रयत्न केला. मात्र मृतदेह पूर्ण जाळण्याआधीच त्यांनी ज्या जंगलामध्ये मृतदेह जाळला तिथून पळ काढला होता. 

सदर घटनेतील धक्कादायक बाब म्हणजे, आरोपी महिलाच आपला पती बेपत्ता असल्याची तक्रार घेऊन पोलीस स्थानकामध्ये गेली. मात्र पोलिसांना या महिलेच्या वागणुकीसंदर्भात शंका आली आणि त्यांनी तिची चौकशी केली. पोलिसी खाक्या दाखवल्यानंतर या महिलेने आपला गुन्हा कबुल केला.

हरिद्वारमधील पथरी पोलीस स्थानकामध्ये ११ मे रोजी अंजना नावाच्या महिलेने तिचा पती संजीव बेपत्ता असल्याची तक्रार दाखल केली होती. मात्र काही दिवस तपास केल्यानंतर पोलिसांना महिलेची भूमिका संक्षयास्पद वाटू लागली आणि पोलिसांनी महिलेची चौकशी केली. त्यावेळी आरोपी महिलेने आपला गुन्हा कबुल केला. आरोपी महिलेने केलेला खुलासा ऐकून पोलिसांनाही धक्का बसल्याचं  म्हटलं आहे. 

पतीने नसबंदी केल्यानंतरही पत्नी झाली प्रेग्नेंट; नवऱ्यासह कुटुंब हैराण, पण सत्य समोर आलं अन्... https://t.co/MqiwUAEyvr">https://t.co/MqiwUAEyvr

— Lokmat (@MiLOKMAT) https://twitter.com/MiLOKMAT/status/1394143368746176512?ref_src=twsrc%5…">May 17, 2021

आरोपीने पोलिसांना दिलेल्या माहितीनुसार, पती संजीवच्या माध्यमातून तिची आणि शेजारच्या गावामध्ये दूध विक्रीचा व्यवसाय करणाऱ्या शिवकुमारची ओळख करुन दिली. हळूहळू आरोपी महिला आणि शिवकुमार यांच्या ओळखीचे रुपांतर प्रेमात झाले. मात्र यासंदर्भात समजल्यानंतर संजीव या दोघांनाही त्याच्या उपस्थितीमध्ये शरीरसंबंध ठेवण्यास भाग पाडत असे. तसेच  अनैसर्गिक पद्धतीने संबंध ठेवण्यासाठी संजीव माझ्यावर दबाव आणायचा असंही संबंधित महिलेने पोलिसांना सांगितलं आहे. नंतर यावरुन तो त्यांना ब्लॅकमेल करुन बदनामी करण्याची धमकीही देत होता, असं संबंधित महिलेने पोलिसांना सांगितले.

दोन्ही आरोपाींनी पोलिसांना संपूर्ण घटनाक्रम सांगितल्यानंतर मृतदेहाची विल्हेवाट कुठे लावण्यात याची माहिती दिली. जंगलामध्ये पोलिसांना संजीवचा मृतदेह अर्धवट जाळालेल्या अवस्थेत सापडला. एकीकडे संजीव या दोघांच्या प्रेमामध्ये अडचण ठरत होता तर दुसरीकडे तो त्यांना समाजामध्ये बदनाम करण्याची धमक्या देत होता. त्यामुळेच आरोपी महिला आणि शिवकुमारने संजीवचा काटा काढण्याचं ठरवलं. तीन जण एकाच वेळी शरीरसंबंध ठेवणार असल्याचं सांगून त्यांनी संजीवला भेटायला बोलवलं आणि रस्सीने गळा आवळून त्याची हत्या केली. त्यानंतर एका गोणीमध्ये संजीवचा मृतदेह भरुन तो जंगलात नेऊन जाळण्याचा प्रयत्न केला.