बिहारच्या बांका जिल्ह्यातून एक खळबळजनक घटना समोर आली आहे. एक नवरदेव मुंडावळ्या बांधून आणि शेरवानी घालून लग्नासाठी नवरीची वाट पाहत बसला होता, परंतु नवरी आपल्या बॉयफ्रेंडसोबत पळून गेल्याची धक्कादायक घटना घडली आहे. जेव्हा ही बाब नवरदेव आणि नवरीच्या कुटुंबीयांना समजली, तेव्हा सर्वांच्या पायखालची जमीन सरकली.
शंभूगंज प्रखंड क्षेत्रातील एका गावात राहणाऱ्या तरुणीचं लग्न मुंगेर जिल्ह्यातील रघुनाथपूर येथील रहिवासी अमित कुमार याच्याशी ठरलं होतं. दोन्ही कुटुंबात आनंदाचं वातावरण होतं. लग्नासाठी मुंगेर जिल्ह्यातील तारापूर येथील प्रसिद्ध 'उल्टा महादेव मंदिर' निवडण्यात आलं होतं. ठरलेल्या वेळेनुसार नवरदेव आणि त्याचे नातेवाईक मंदिरात पोहोचले. मंदिरात पाहुण्यांचं स्वागतही झालं. नवरदेव नवरी येण्याची वाट पाहत होता.
मिळालेल्या माहितीनुसार, अनेक तास उलटूनही नवरी मंदिरात पोहोचली नाही. त्यामुळे नवरीच्या कुटुंबीयांनी शोधाशोध सुरू केली. याच दरम्यान समजलं की, होणारी नवरी शंभूगंज पोलीस ठाण्याच्या हद्दीत राहणाऱ्या विकास कुमार नावाच्या आपल्या बॉयफ्रेंडसोबत पळून गेली आहे. ही बातमी मिळताच नवरदेवाला मोठा धक्का बसला, तर मुलीचे घरचेही सुन्न झाले.
मुलगी बेपत्ता झाल्यानंतर तिच्या कुटुंबीयांनी शंभूगंज पोलीस ठाणे गाठलं. मुलीच्या वडिलांनी आणि नातेवाईकांनी अशी शंका व्यक्त केली आहे की, त्यांची मुलगी स्वतःच्या इच्छेने गेलेली नाही, तर तिला लग्नाच्या आमिषाने फूस लावून पळवून नेण्यात आलं आहे. त्यांनी पोलिसांकडे आपल्या मुलीचा लवकरात लवकर शोध घेण्याची विनंती केली आहे. या घटनेनंतर संपूर्ण परिसरात विविध चर्चांना उधाण आलं आहे.
Web Summary : In Bihar, a bride eloped with her boyfriend on her wedding day, leaving the groom waiting at the altar. The family suspects foul play and has filed a police complaint.
Web Summary : बिहार में एक दुल्हन अपनी शादी के दिन अपने प्रेमी के साथ भाग गई, दूल्हा विवाह स्थल पर इंतजार करता रहा। परिवार को गड़बड़ी का संदेह है और पुलिस में शिकायत दर्ज कराई गई है।