क्या कहूँ, हैरान हूँ, शर्मसार हूँ - योगेंद्र यादवांचे हताश उद्गार 

राज्यसभेच्या तीन जागांसाठी होत असलेल्या निवडणुकांत आम आदमी पक्षाने जाहीर केलेल्या उमेदवारांमुळे आम आदमी पक्षावर पक्षाचे आजी माजी कार्यकर्ते, नेते टीका करत आहेत. 

नवी दिल्ली- राज्यसभेच्या तीन जागांसाठी होत असलेल्या निवडणुकांत आम आदमी पक्षाने जाहीर केलेल्या उमेदवारांमुळे आम आदमी पक्षावर पक्षाचे आजी माजी कार्यकर्ते, नेते टीका करत आहेत. आपने संजय सिंह यांंच्याबरोबर एन. डी. गुप्ता आणि सुशील गुप्ता यांची उमेदवारीसाठी निवड केली आहे.

कुमार विश्वास यांनी उपरोधिक शैलीत केजरीवाल आणि त्यांच्या टीमवर टीका केली तर ट्विटरवर आपचे माजी नेते आणि मार्गदर्शक प्रशांत भूषण आणि योगेंद्र यादव यांनी केजरीवाल यांच्यावर थेट हल्ला चढवला आहे. तसेच मयांक गांधी यांनीही आप आणि बसपामध्ये काहीच फरक राहिलेला नाही, अशा हताश भावना व्यक्त करणारे ट्विट केले आहे.

आपल्या ट्विटमध्ये योगेंद्र यादव म्हणतात, "अरविंदचे कितीही दोष असतील पण त्याला कोणीही विकत घेऊ शकत नाही, असं गेल्या तीन वर्षांपासून मी अनेकांना सांगितलंय, म्हणूनच मी कपिल शर्मा यांनी केलेले आरोप फेटाळले, पण आज काय बोलायचं तेच कळत नाही, मी हैराण झालोय, मलाच लाज वाटू लागली आहे."

पिछले तीन साल में मैंने ना जाने कितने लोगों को कहा कि अरविंद केजरीवाल में और जो भी दोष हों,  कोई उसे ख़रीद नहीं सकता। इसीलिए कपिल मिश्रा के आरोप को मैंने ख़ारिज किया। आज समझ नहीं पा रहा हूँ कि क्या कहूँ? हैरान हूँ, स्तब्ध हूँ, शर्मसार भी। https://t.co/KIhc8P56Ka

— Yogendra Yadav (@_YogendraYadav) January 3, 2018

यादव यांच्याबरोबर ज्येष्ठ विधिज्ञ आणि आपचे माजी नेते प्रशांत भूषण यांनी आपल्या ट्विटमधून आपने राज्यसभेसाठी निवड केलेल्या उमेदवारांवर प्रश्नचिन्ह उभे केले आहे. ज्या लोकांनी सार्वजनिक जीवनाशी फारकत घेतलेली नाही अशांची निवड आपने केली आहे, तसेच राज्यसभेत जावे असा कोणताही अनुभव त्यांना नाही. आपने कार्यकर्त्यांच्या भावनेकडे दुर्लक्ष केले आहे, अशा शब्दांमध्ये प्रशांत भूषण यांनी आपवर फटकारे ओढले आहेत.

AAP giving Rajya Sabha tickets to people who have not distinguished themselves in public service&have no expertise on anything to qualify for the RS, by ignoring the voices of volunteers, is the final denouement of a party which started with such promise&is now totally degenerate https://t.co/oM5yve7k43

— Prashant Bhushan (@pbhushan1) January 3, 2018

मयांक गांधी ट्विटमध्ये म्हणतात, " सुशील गुप्तांची राज्यसभेसाठी का निवड केली असावी ? आप आणि बसपामध्ये काहीही फरक राहिलेला नाही, आप हा भ्रष्ट पक्ष झाला आहे यात शंका नाही. जातीयवाद आणि जातींच्या व्होटबँकेनंतर आपण भ्रष्टाचाराचा शेवटचा बालेकिल्लाही सर केला आहे."

Think.

Why was Sushil Gupta selected?

Now there is no diff between AAP and BSP. This leadership isn't worth supporting.

I can today say w/o any doubt - AAP has become corrupt.

After communal & caste vote bank politics - we hv crossed the last bastion - CORRUPTION

— Mayank Gandhi (@mayankgandhi04) January 3, 2018

या सगळ्या नेत्यांनी आपवर तोंडसुख घेतल्यावर पक्षाचे माजी सदस्य कपिल मिश्रा स्वस्थ बसते तरच नवल. त्यांनीही उपरोधिक ट्विट करून आपच्या निर्णयावर जबरदस्त टीका केली आहे. सुशील गुप्तांचे वर्णन त्यांनी " केजरीवाल प्रमाणित, महान समाजसेवी" असे करून गुप्ता यांचे एक छायाचित्र प्रसिद्ध केले आहे.

मिलिए आम आदमी के प्रतिनिधि, महान समाज सेवी, परम् आदरणीय, केजरीवाल प्रमाणित,  AAP के अगले राज्यसभा सांसद श्री श्री 108 श्री सुशील गुप्ता जी pic.twitter.com/5A8Pnicu3C

— Kapil Mishra (@KapilMishra_IND) January 3, 2018