West Bengal Crime:पश्चिम बंगालच्या दुर्गापूर येथील एका खासगी मेडिकल कॉलेजच्या विद्यार्थिनीवर झालेल्या सामूहिक बलात्काराच्या घटनेने राज्यातील राजकीय वातावरण तापले आहे. या घटनेने सत्ताधारी आणि विरोधक पुन्हा आमने-सामने आले आहेत. अशातच, मुख्यमंत्री ममता बॅनर्जी यांनी या प्रकरणावर बोलताना केलेल्या एका वाद वाढण्याची शक्यता आहे.
ममता बॅनर्जींचे वादग्रस्त वक्तव्य
रविवारी उत्तर बंगाल दौर्यावर रवाना होण्यापूर्वी कोलकाता विमानतळावर पत्रकारांशी संवाद साधताना ममता बॅनर्जी म्हणाल्या की, ही घटना अतिशय भयावह आहे. पण, आता प्रश्न असा पडतो की, घटना घडली, तेव्हा कॉलेज प्रशासन कुठे होते? तरुणी रात्री एवढ्या उशिरा बाहेर कशी गेली? ती बाहेर काय करत होती? मुलींनी रात्री बाहेर पडू नये. कॉलेजनेही जबाबदारी घ्यावी लागेल, असे वक्तव्य ममता बॅनर्जींनी केले आहे. या वाक्यामुळे मोठा वाद निर्माण झाला आहे.
तसेच त्यांनी पुढे असेही म्हटले की, आम्ही पोलिसांना कठोर कारवाईचे निर्देश दिले आहेत. कोणत्याही आरोपीला सोडले जाणार नाही. पोलीस सर्व संबंधितांची चौकशी करत आहेत. दोषींना कठोर शिक्षा होईल. मात्र, त्यांच्या “मुलींनी रात्री बाहेर जाऊ नये” या विधानावर अनेक महिला संघटनांनी टीका केली आहे. त्यांचे म्हणणे आहे की, अशा वक्तव्यांनी पीडितांनाच दोषी ठरवण्याची प्रवृत्ती वाढते.
ममता बॅनर्जींची इतर राज्यांवर टीका
ममतांनी या संदर्भात ओडिशाचा उल्लेख करत प्रश्न उपस्थित केला की, तीन आठवडेपूर्वी ओडिशातील समुद्रकिनाऱ्यावर तीन मुलींवर बलात्कार झाला होता. तिथे सरकार काय करतंय? आम्ही आमच्या राज्यात आरोपींवर एका-दोन महिन्यांत आरोपपत्र दाखल करून न्यायालयाकडून फाशीची शिक्षा मिळवली. मग इतर राज्यांनी असे का नाही केले? मणिपूर, उत्तर प्रदेश, बिहार, ओडिशा, अशा अनेक ठिकाणी बलात्काराच्या घटना घडतात, पण तिथल्या सरकारांची प्रतिक्रिया मंद असते. आम्ही मात्र तत्काळ कारवाई करतो.
नेमकी काय घटना घडली?दुर्गापूरमधील एका खासगी मेडिकल कॉलेजच्या विद्यार्थिनीवर शुक्रवारी रात्री सामूहिक बलात्कार करण्यात आला. पीडित तरुणी आपल्या मैत्रिणीसोबत जेवायला बाहेर गेली होती. या प्रकरणात आतापर्यंत तीन आरोपींना अटक करण्यात आली आहे.
Web Summary : West Bengal CM Mamata Banerjee faces backlash for suggesting the Durgapur gangrape victim shouldn't have been out late. She emphasized college responsibility and swift police action, contrasting her state's response with other states.
Web Summary : दुर्गापुर सामूहिक बलात्कार मामले में ममता बनर्जी के बयान पर विवाद। उन्होंने कहा कि लड़कियों को रात में बाहर नहीं जाना चाहिए। कॉलेज प्रशासन और पुलिस की कार्रवाई पर भी उन्होंने बात की और अन्य राज्यों की आलोचना की।