मध्य प्रदेशातील मंदसौर येथील दिल्ली-मुंबई एक्सप्रेसवेवर आपल्या महिला मैत्रिणीसोबत उघडपणे संबंध ठेवणाऱ्या भाजप नेत्याला कोर्टाकडून जामीन मिळाला आहे. १३ मे च्या रात्री घडलेल्या घटनेच्या व्हिडिओवर आता मनोहर लाल धाकड यांनी प्रतिक्रिया दिली आहे. धाकड यांनी सोशल मीडियावर व्हायरल होत असलेल्या व्हिडिओला बनावट म्हटले आहे. यासोबतच, त्यांनी कटाचा भाग म्हणून बदनामी केल्याचा आरोपही केला आहे. हा व्हिडीओ पसरवणाऱ्यांवर कायदेशीर कारवाई केली जाईल असंही त्यांनी म्हटले.
मनोहर लाल धाकड म्हणाले की, व्हायरल व्हिडीओ खोटा आहे. मी त्यात नव्हतो आणि गाडी माझी नव्हती. मी गाडी विकल्याचे धाकड यांनी सांगितले. व्हिडिओची सत्यता पडताळल्यानंतर सत्य बाहेर येईल. मी न्यायालयात माझा मुद्दा ठामपणे मांडेन आणि व्हिडीओ व्हायरल करणाऱ्यांविरुद्ध मानहानीचा खटला दाखल करणार आहे, असंही ते म्हणाले.
धक्कादायक! त्याला वाटलं अॅसिडिटी झालीये, पण..., १३ वर्षांच्या विद्यार्थ्याचा गुजरातमध्ये मृत्यू
"पोलिसांनी माझ्या घरातून गाडी नेली आहे. माझी प्रतिमा मलिन होत असल्याने मला भीती वाटत होती. म्हणून मी गप्प राहिलो, असंही ते म्हणाले. हायवेवरील अश्लील आणि आक्षेपार्ह व्हिडीओ व्हायरल झाल्यानंतर, पोलिसांनी मनोहर लाल यांना अटक केली आणि भारतीय दंड संहितेच्या कलम २९६ आणि कलम २८६ यासह विविध कलमांखाली गुन्हा दाखल केला. सध्या न्यायालयाने त्यांना जामीन मंजूर केला आहे.
नेमकं प्रकरण काय?
धवारी मध्य प्रदेशमधील मंदसौर येथील बनी गावातील रहिवासी असलेले भाजपाचे नेते मनोहरलाल धाकड यांचा एक आक्षेपार्ह व्हिडीओ समोर आला आहो. यामध्ये ते एका महिलेसोबत दिसत आहे. हा व्हिडीओ मुंबई-दिल्ली एक्स्प्रेसवेवरील असल्याचे सांगण्यात येत आहे. महामार्गाच्या कडेला कार थांबवल्यानंतर धाकड हे महिलेसोबत अश्लील चाळे करताना दिसत आहेत. हा व्हिडीओ महामार्गावर लावण्यात आलेल्या सीसीटीव्ही कॅमेऱ्यात कैद झाला असण्याची शक्यता वर्तवली जात आहे. तसेच हा व्हिडीओ १३ मे २०२५ रोजीचा असल्याचे सांगितले जात आहे.