भोपाळ - मध्य प्रदेशमधील भाजपाआमदाराने एका सरकारी अधिकाऱ्यास भाजपा पदाधिकारी आणि सरकारी कर्मचाऱ्यांसमोरच धमकी दिली. विधीशा मतदारसंघातील आमदार लीना जैन यांना एका सरकारी कार्यक्रमासाठी निमंत्रण न दिल्यामुळे त्यांचा या महिला आमदाराचा पारा चढला होता. बुधवारी हा कार्यक्रम घेण्यात आला होता, त्याबाबत लीना जैन यांना माहिती देण्यात आली नव्हती.
मध्य प्रदेशमध्ये सरकार जरी भाजपाचं नसलं तरी, भाजपा आमदारांचा तोरा मात्र कायम दिसत आहे. येथील भिलसा जिल्ह्यातील विदिशी मतदारसंघातील आमदार लीना जैन यांनी अधिकाऱ्याची चांगलीच झाडाझडती घेतली. तुम्ही मला काहीही माहिती दिली नाही, कोण कोण उपस्थित होते तेथे. तिथे दुसरे आमदार कसे काय उपस्थित होते ? त्या आमदारांना तेथे उपस्थित राहण्याचं प्रोटोकॉलमध्ये आहे का? असा प्रश्नही जैन यांनी विचारला. तसेच, आपण माझ्या अधिकारचे हनन करत आहाते, तुम्हाला ग्यारसपूरमध्ये नोकरी करता येणार नाही, नोकरी करता येणार नाही ग्यारसपूरमध्ये तुम्हाला... अशा शब्दात आमदार लीना जैन यांनी संबंधित अधिकाऱ्यास झापले. त्यानंतर, अधिकारी आणि इतर सर्व पदाधिकारी शांत बसल्याचे व्हिडीओत दिसत आहे.