जम्मू काश्मीरमध्ये मंगळवारी मोठा अपघात झाला. येथे अमृतसरहून वैष्णो देवीकडे (कट्रा) जाणारी बस दरीत कोसळली. या अपघातात 10 जणांचा मृत्यू झाल्याचे समजते. तसेच अनेक लोक जखमी झाल्याचेही वृत्त आहे. जखमींना रुग्णालयात दाखल करण्यात आले आहे.
मिळालेल्या माहितीनुसार, ही बस अमृतसरहून कट्रा येथे जात होती. ती नॅशनल हायवे क्रमांक 44 वर झज्जर कोटलीला पोहोचल्यानंतर, अनियंत्रित झाली आणि दरीत कोसळली. या बसमध्ये जवळपास 75 लोक होते, असे बोलले जात आहे. यांपैकी 10 जणांचा मृत्यू झाला, तर इतर जखमींना जम्मू येथे उपचारासाठी हलवण्यात आले आहे.