अहमदाबाद - गुजरातमधील वेस्टर्न एक्सप्रेस हायवेवरील एका भीषण अपघाताचा व्हिडिओ सोशल मीडियावर व्हायरल झाला आहे. या व्हिडिओमध्ये एक व्हॅन हायवेवरुन ट्रकला ओव्हरटेक करत आहे. ट्रकला ओव्हरटेक करताच व्हॅनने यु टर्न घेतल्याचे या व्हिडिओत दिसून येते. डोळ्याची पापणी लवती न लवती तोच या गाडीने यु टर्न घेतला. मात्र, हा व्हिडिओ पाहिल्यानंतर तुमच्या भुवया उंचावल्याशिवाय राहणार नाहीत हे नक्की. सोमवारी ही घटना घडली आहे.
गुजरातच्या वलसाड येथील वेस्टर्न एक्सप्रेस हायवेवर हा भीषण आणि आश्चर्यकारक अपघात झाला. सुदैवाने या अपघातात व्हॅनच्या ड्रायव्हरला कुठलिही जखम झाली नाही. या व्हॅनने ट्रकच्या समोरुन यु टर्न घेतला. मात्र, ट्रक तसाच पुढे निघून गेला. त्यानंतर हायवेवरील स्थानिकांनी व्हॅनजवळ धाव घेतली. तसेच गाडीला आणि ड्रायव्हरला काहीही न झाल्याची खात्री केल्यानंतर सर्वांचा जीव भांड्यात पडला. तर ड्रायव्हरनेही कपाळवर हात नेत देवाचे आभार मानल्याचेही या व्हिडिओत दिसत आहे.
पाहा व्हिडिओ...