गंगेत चार आणेही न टाकणारे आता हजारो टाकतायंत - नरेंद्र मोदी

By Admin | Updated: November 12, 2016 14:42 IST2016-11-12T13:30:25+5:302016-11-12T14:42:40+5:30

500 आणि 1000 च्या नोटांवर बंदी घातल्यानंतर पंतप्रधान नरेंद्र मोदींनी प्रथमच या विषयावर भाष्य करत गंगेत चार आणेही न टाकणारे आता हजारो टाकत आहेत सांगत आपण योग्य निर्णय घेतल्याचं सांगितलं

There are thousands who do not even throw four in Ganges - Narendra Modi | गंगेत चार आणेही न टाकणारे आता हजारो टाकतायंत - नरेंद्र मोदी

गंगेत चार आणेही न टाकणारे आता हजारो टाकतायंत - नरेंद्र मोदी

ऑनलाइन लोकमत
टोकियो, दि. 12 - 500 आणि 1000 च्या नोटांवर बंदी घातल्यानंतर पंतप्रधान नरेंद्र मोदींनी प्रथमच या विषयावर भाष्य करत गंगेत चार आणेही न टाकणारे आता हजारो टाकत आहेत सांगत आपण योग्य निर्णय घेतल्याचं सांगितलं. पंतप्रधान नरेंद्र मोदी जपान दौ-यावर असून यावेळी त्यांनी तेथील भारतीयांशी संवाद साधला. त्यावेळी बोलताना त्यांनी नोटबंदीवर भाष्य केलं आहे.
 
'भ्रष्टाचा-यांना आता प्रत्येक गोष्टीचा हिशेब द्यावा लागणार आहे. सरकार प्रामाणिक लोकांच्या पाठिशी असून नोटबंदीचा त्रास होऊनदेखील जनता आपल्या निर्णयाच्या बाजूने असल्याचं', मोदी बोलले आहेत. 'काळ्या पैशातून कुणाचीही सुटका केली जाणार नाही. सध्याची योजना पूर्ण झाल्यानंतर 30 डिसेंबरनंतर काळा पैसा बाळगणा-यांना ठिकाणावर आणण्यासाठी दुसरी योजना येणार नाही, याची हमी नाही', असं सांगत मोदींनी अजून कडक निर्णय घेण्याचा संकेत दिला आहे. 
 
'देशाच्या गरिबांनी श्रीमंती दाखवली, श्रीमंतांची गरिबी तर खूपदा पाहिली आहे. हे खूप मोठे स्वच्छता अभियान आहे. कुणाला त्रास देण्यासाठी हे अभियान नाही', असंही मोदींनी स्पष्ट केलं आहे.
 

Web Title: There are thousands who do not even throw four in Ganges - Narendra Modi