अभूतपूर्व विजयासाठी ममता दिदींनी मानले मतदारांचे आभार

By Admin | Updated: May 19, 2016 12:35 IST2016-05-19T12:22:08+5:302016-05-19T12:35:09+5:30

पश्चिम बंगाल विधानसभा निवडणुकीत ममता बॅनर्जींच्या तृणमूल काँग्रेसने पुन्हा एकदा बाजी मारत राज्यात निर्विवाद वर्चस्व गाजवले आहे.

Thank you to the voters considered by Mamta Dindi for an unprecedented victory | अभूतपूर्व विजयासाठी ममता दिदींनी मानले मतदारांचे आभार

अभूतपूर्व विजयासाठी ममता दिदींनी मानले मतदारांचे आभार

ऑनलाइन लोकमत
कोलकाता, दि. १९ - पश्चिम बंगाल विधानसभा निवडणुकीत ममता बॅनर्जींच्या तृणमूल काँग्रेसने पुन्हा एकदा बाजी मारत राज्यात निर्विवाद वर्चस्व गाजवले आहे. पाच वर्षांपूर्वी बंगालच्या मुख्यमंत्रीपदी विराजमान झालेल्या ममता दिदींना यावेळीही मतदारांनी भरघोस साथ दिलू असून तृणमूलने २९५ पैकी २१८ जागांवर आघाडी घेत डावे व काँग्रेसच्या आघाडीला जोरदार धक्का दिला. या अभूतपूर्व विजयाबद्दल ममता दीदींनी बंगालच्या मतदारांचे आभार मानले आहेत. 
( इथे पाहा २०१६ विधानसभा निवडणूक निकाल)
 
' हा मोठा विजय मिळवून दिल्याबद्दल मी पश्चिम बंगालच्या मतदारांचे खूप आभार मानते. बंगालच्या जनतेची दिशाभूल करण्यात आली तसेच विरोधकांनी त्यांना घाबरवण्याचाही प्रयत्न केला. मात्र जनतेने शांततेत मतदान करून आपला कौल कोणाला आहे ते स्पष्ट केले' अशी प्रतिक्रिया ममता यांनी विजयानंतर व्यक्त केली. ' गेल्या दोन वर्षांपासून आमच्याविरोधात खूप अपप्रचार करण्यात आला, आमच्यावर अनेक आरोप करण्यात आले.  मात्र मतदारांनी त्याकडे दुर्लक्ष करून, ते आरोप नाकारून, आम्हाला दणदणीत विजय मिळवून दिला यासाठी मी त्यांचे आभार मानते. यावेळी आम्ही एकट्याने लढा दिला,' असेही त्या म्हणाल्या. पश्चिम बंगाल हे भ्रष्टाचारमुक्त राज्य असल्याचा दावाही बॅनर्जी यांनी यावेळी केला. 
दरम्यान गेल्या निवडणुकीत तृणमूलचे १८४ आमदार विजयी झाले होते, यावेळेस मात्र तृणमूलने जोरदार आघाडी घेतल्याने आता प.बंगाल विधानसभेत तृणमूलचे २०० हून अधिक शिलेदार असतील, असेच चित्र दिसत आहे. 
 

Web Title: Thank you to the voters considered by Mamta Dindi for an unprecedented victory

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.