श्रीनगर: जम्मू- काश्मीरच्या पुलवामामध्ये पोलीस आणि सीआरपीएफ यांच्या एका तुकडीवर आज (गुरुवार) दहशतवाद्यांकडून हल्ला करण्यात आला आहे. यानंतर जवानांची दहशतवाद्यांशी चकमक सुरू आहे. या घटनेत जम्मू-काश्मीर पोलीस दलातील एक जवान शहीद झाल्याची माहिती समोर आली आहे. तसेच या हल्ल्यात एक जवान जखमी झाले आहे.
सीआरपीएफ आणि जम्मू-काश्मीर पोलिसाच्या एकत्रित टीमवर अचानक दहशतवाद्यांकडून हल्ला करण्यात आला. यात जम्मू-काश्मीर पोलीस दलातील दोन जवान जखमी झाले. यातील एक जवान शहीद झाला असल्याची माहिती समोर येत आहे. तसेच जवान आणि दहशतवाद्यांमध्ये चकमक अजूनही सुरु असून सीआरपीएफने दहशतवाद्यांविरोधात शोध मोहीम राबवली असल्याचे माहिती सांगण्यात येत आहे.