Terror Alert On Republic Day: येत्या प्रजासत्ताक दिनी म्हणून 26 जानेवारीला देशाची राजधानी दिल्लीसह अनेक मोठ्या शहरांवर दहशतवादी हल्ल्याचे सावट आहे. अयोध्येतील राममंदिराला दहशतवादी लक्ष्य करू शकतात, अशी गुप्तचर यंत्रणांना माहिती मिळाली आहे. एजन्सीच्या सूत्रांनी दिलेल्या माहितीनुसार, आत्मघातकी बॉम्बरच्या माध्यमातून राम मंदिरावर हल्ला करण्याचा कट रचला जात आहे.
येत्या काही दिवसांत पाकिस्तानातील दहशतवादी संघटना राम मंदिरावर हल्ला करण्याची योजना आखत असल्याची माहिती एजन्सींना मिळाली आहे. ‘जैश-ए-मोहम्मद’ या दहशतवादी संघटनेने या हल्ल्याचा कट रचला आहे. नेपाळमार्गे भारतात आत्मघाती पथक पाठवून हल्ल्याची योजना आखण्यात आली आहे. राम मंदिराच्या उभारणीचे 50 टक्क्यांहून अधिक काम झाले आहे. या इनपुटमुळे सुरक्षा व्यवस्था अधिक कडक करण्यात आली आहे.
प्रजासत्ताक दिनानिमित्त दहशतवादी दिल्लीपासून पंजाब आणि देशातील अनेक शहरांमध्ये मोठे हल्ले करण्याचा कट रचत असल्याची माहिती गुप्तचर यंत्रणांना मिळाली आहे. पाकिस्तानच्या आयएसआय इस्लामिक स्टेट अल कायदाने अंडरवर्ल्ड डॉन दाऊद इरबहिमच्या लोकांचीही मदत घेतल्याची माहिती आहे. 26 जानेवारीला दिल्ली आणि पंजाबमध्ये आयईडी स्फोट घडवून आणण्यासाठी पाकिस्तान आयएसआय आपल्या स्लीपर सेल आणि बेकायदेशीर रोहिंग्यांचा वापर करू शकतात, असे सांगण्यात येत आहे. 26 जानेवारीला दहशतवादी योजना अयशस्वी झाल्यास G20 शिखर परिषदेला लक्ष्य केले जाईल, अशीही बातमी आहे.