मागील काही दिवसापासून इराण आणि अमेरिकेमध्ये तणाव सुरू आहे. दरम्यान, आता सुरक्षेच्या चिंतेच्या पार्श्वभूमीवर, भारताची सर्वात मोठी विमान कंपनी इंडिगोने एक मोठे पाऊल उचलले आहे. कंपनीने ११ फेब्रुवारी २०२६ पर्यंत मध्य आशियाई शहरांमध्ये, तिबिलिसी (जॉर्जिया), अल्माटी (कझाकस्तान), बाकू (अझरबैजान) आणि ताश्कंद (उझबेकिस्तान) यासह सर्व उड्डाणे रद्द केली आहेत. प्रवासी आणि क्रू मेंबर्सच्या सुरक्षिततेला सर्वोच्च प्राधान्य देऊन हा निर्णय घेण्यात आला आहे. इराणच्या आसपासच्या घडामोडी आणि हवाई क्षेत्राशी संबंधित जोखीम लक्षात घेऊन हे सावधगिरीचे आणि सक्रिय पाऊल उचलण्यात आल्याचे इंडिगोने स्पष्ट केले आहे.
याबाबत इंडिगोने एक निवेदन प्रसिद्ध केले आहे. यामध्ये "इराणच्या सभोवतालच्या घडामोडी लक्षात घेता, आम्ही काही उड्डाण वेळापत्रकात अतिरिक्त बदल केले आहेत. आम्ही सावध आणि सक्रिय दृष्टिकोन घेत आहोत, प्रवाशांची आणि कर्मचाऱ्यांची सुरक्षा ही आमची सर्वोच्च प्राथमिकता आहे.", असंही या निवेदनात म्हटले आहे. इंडिगोने म्हटले आहे की, उड्डाण वेळापत्रकात अतिरिक्त बदल करण्यात आले आहेत आणि परिस्थिती विकसित होत असताना ऑपरेशन्सचा सतत आढावा घेतला जात आहे.
प्रवासी पर्यायी प्रवास पर्यायांचा शोध घेऊ शकतात किंवा पैसे परत घेऊ शकतात, असे इंडिगोने सांगितले आहे. परिस्थिती सतत बदलत आहे, म्हणून उड्डाण ऑपरेशन्सचा आढावा घेतला जात आहे आणि कोणतेही अपडेट किंवा बदल वेळेवर कळवले जातील. तुमच्या संयम आणि सहकार्याबद्दल आम्ही आभारी आहोत, असेही इंडिगोने सांगितले आहे.
रविवारी याआधी, एअरलाइनने २५ जानेवारी रोजी दिल्ली ते तिबिलिसी आणि मुंबई ते अल्माटी ही उड्डाणे रद्द केली होती. "आमच्या पहिल्या सल्ल्यानुसार आणि इराणभोवतीच्या अलीकडील घडामोडींच्या पार्श्वभूमीवर, आम्ही सुरक्षिततेवर सतत लक्ष केंद्रित करून आमच्या उड्डाण वेळापत्रकात काही सक्रिय बदल करत आहोत," असे एअरलाइनने म्हटले होते.
Web Summary : Amid Iran-US tensions, Indigo cancelled flights to Central Asian cities until February 11, 2026. This decision prioritizes passenger and crew safety due to regional risks. Affected passengers can explore alternative travel options or request refunds. The airline is continuously monitoring the situation.
Web Summary : ईरान-अमेरिका तनाव के कारण इंडिगो ने 11 फरवरी, 2026 तक मध्य एशियाई शहरों के लिए उड़ानें रद्द कर दीं। यह निर्णय क्षेत्रीय जोखिमों के कारण यात्रियों और चालक दल की सुरक्षा को प्राथमिकता देता है। प्रभावित यात्री वैकल्पिक यात्रा विकल्प तलाश सकते हैं या धन वापसी का अनुरोध कर सकते हैं। एयरलाइन स्थिति की लगातार निगरानी कर रही है।