महबूबनगर - उत्तर प्रदेशची राजधानी असलेल्या लखनौमध्ये एका पोलीस अधिकाऱ्याने अॅपलच्या मॅनेजरवर गोळ्या घातल्याची घटना समोर आली होती. या घटनेनंतर अनेकांनी पोलिसांवर टीका करण्यास सुरुवात केली आहे. मात्र आता सोशल मीडियावर पोलिसाचा एक फोटो व्हायरल होत असून या फोटोने सर्वांचीच मनं जिंकली आहेत.
मुलाला खेळवतानाचा रहमान यांचा एक फोटो महबूबनगरच्या एसपी रमा राजेश्वरी यांनी त्यांच्या ट्वीटर अकाऊंटवर शेअर केला आहे. या फोटोची सध्या सोशल मीडियावर जोरदार चर्चा रंगली असून रहमान यांची खूप प्रशंसा केली जात आहे. रमा राजेश्वरी यांचं हे ट्वीट आतापर्यंत हजारो लोकांनी लाईक केलं असून तब्बल 2800 हून अधिक लोकांनी ते रिट्वीट केलं आहे.