दुबई एअर शो २०२५ दरम्यान भारतीय वायुसेनेचे एलसीए तेजस हे हलके लढाऊ विमान कोसळल्याची मोठी दुर्घटना घडली आहे. यामध्ये हवाई दलाचा पायलट शहीद झाला आहे. युद्धावेळची ॲक्रोबॅटिक अत्यंत धोकादायक हवाई कसरत करताना हे विमान कोसळले आहे.
'निगेटिव्ह-जी' म्हणजेच ग्रॅव्हिटी झिरोपेक्षाही खाली असलेला हा युद्धाभ्यास होता. हा एक अत्यंत कठीण हवाई युद्धाभ्यास आहे. ज्यामध्ये विमान आणि वैमानिकावर नकारात्मक गुरुत्वाकर्षण बल किंवा भारहीनतेची स्थिती निर्माण होते. जेव्हा विमान खूप वेगाने खाली झेपावते, तेव्हा हा स्टंट केला जातो. हा युद्धाभ्यास विमान आणि वैमानिक दोघांवरही सामान्य गुरुत्वाकर्षण शक्तीच्या विरुद्ध बळ निर्माण करतो.
जर हा स्टंट व्यवस्थित हाताळला गेला नाही, तर वैमानिकाच्या डोक्यातील रक्त जमा होऊ शकते आणि त्याला तात्पुरती अस्वस्थता किंवा अशक्तपणा येण्याचा धोका असतो. याच कारणामुळे वैमानिकांना या स्टंटसाठी विशेष प्रशिक्षण दिले जाते.
दुबई अपघाताचे प्राथमिक विश्लेषणप्राथमिक मूल्यांकनानुसार, तेजसने एक लूप युद्धाभ्यास यशस्वीरित्या पूर्ण केल्यानंतर विमान समतल करण्याचा प्रयत्न केला, परंतु त्याच दरम्यान विमानाची उंची अचानक कमी झाली आणि ते जमिनीवर कोसळले. अपघाताच्या वेळी 'तेजस' निगेटिव्ह-जी टर्न घेत असल्याची शक्यता वर्तवली जात आहे. निवृत्त झालेल्या मिग-२१ विमानाची जागा घेणारे तेजस हे भारतीय हवाई दलातील सर्वात सुरक्षित लढाऊ विमानांपैकी एक मानले जाते. गेल्या २४ वर्षांतील तेजस विमानाचा हा केवळ दुसरा अपघात आहे.
Web Summary : Indian Air Force's Tejas crashed at Dubai Air Show 2025 during aerobatics, killing the pilot. Negative-G maneuver, a risky aerial stunt involving gravitational force manipulation, is suspected as a cause. The aircraft attempted to level after a loop, but crashed.
Web Summary : दुबई एयर शो 2025 में भारतीय वायुसेना का तेजस विमान करतब दिखाते समय दुर्घटनाग्रस्त हो गया, जिसमें पायलट की मौत हो गई। निगेटिव-जी युद्धाभ्यास, जिसमें गुरुत्वाकर्षण बल का उपयोग होता है, दुर्घटना का कारण माना जा रहा है। लूप के बाद विमान समतल करने की कोशिश की गई, लेकिन दुर्घटना हो गई।