Tamil Nadu Bus Accident: तमिळनाडूमध्ये एका खासगी अभियांत्रिकी महाविद्यालयाच्या बसला मालगाडीने धडक दिल्याने झालेल्या भीषण अपघातात २० हून अधिक विद्यार्थी जखमी झाले आहेत. शनिवारी सायंकाळी वीरराक्कीयाम आणि पालयम दरम्यान असलेल्या मानवरहित रेल्वे क्रॉसिंगवर ही घटना घडली. या अपघातामुळे रेल्वे मार्गावरील सुरक्षेचा प्रश्न पुन्हा एकदा गंभीर बनला आहे.
मिळालेल्या माहितीनुसार, खासगी इंजिनिअरिंग कॉलेजची बस शनिवारी सायंकाळी विद्यार्थ्यांना घेऊन जात होती. वीरराक्कीयाम आणि पालयम दरम्यान असलेल्या रेल्वे क्रॉसिंगवरून बस जात असताना, मागून येणाऱ्या एका मालगाडीने बसला जोरदार धडक दिली. ही धडक इतकी भीषण होती की बसचे मोठ्या प्रमाणावर नुकसान झाले असून आतील विद्यार्थी जखमी झाले आहेत.
अपघातानंतर तातडीने मदतकार्य राबवून जखमी विद्यार्थ्यांना जिल्हा शासकीय रुग्णालयात दाखल करण्यात आले. या भीषण अपघातात सुमारे २५ विद्यार्थी जखमी झाले. २३ विद्यार्थ्यांवर शासकीय रुग्णालयात उपचार सुरू आहेत, तर दोन गंभीर जखमींना खासगी रुग्णालयात हलवण्यात आले आहे. एका विद्यार्थ्याच्या डोक्याला गंभीर दुखापत झाली असून त्याच्यावर विशेष उपचार सुरू आहेत. प्राथमिक उपचारानंतर तीन विद्यार्थ्यांना घरी सोडण्यात आले आहे.
'ही आमची जबाबदारी नाही'; दक्षिण रेल्वेचे स्पष्टीकरण
या घटनेनंतर दक्षिण रेल्वेने एक महत्त्वाचे स्पष्टीकरण दिले आहे. रेल्वेच्या म्हणण्यानुसार, हा अपघात ज्या मार्गावर झाला तो दक्षिण रेल्वेच्या अखत्यारीत येत नाही. हा रेल्वे मार्ग चेट्टीनाड सिमेंट्स या कंपनीचा खासगी मार्ग आहे. हा मार्ग त्यांच्या कारखान्यासाठी कच्चा माल नेण्या-आणण्यासाठी वापरला जातो. या मार्गावर अनेक ठिकाणी मानवरहित रेल्वे गेट्स आहेत, जिथे कोणताही सुरक्षारक्षक किंवा सिग्नल यंत्रणा नसते.
राजकीय नेत्यांची भेट
द्रविड मुन्नेत्र कळघमचे नेते सेंथिल बालाजी यांनी रुग्णालयात जाऊन जखमी विद्यार्थ्यांची विचारपूस केली. त्यांनी डॉक्टरांशी चर्चा करून विद्यार्थ्यांना सर्वोत्तम उपचार देण्याच्या सूचना केल्या. "प्रशासनाने या खासगी रेल्वे मार्गावरील सुरक्षेची तपासणी करणे गरजेचे आहे, जेणेकरून भविष्यात असे अपघात टाळता येतील," असे त्यांनी सांगितले.
Web Summary : A train collided with a college bus at an unmanned crossing in Tamil Nadu, injuring over 20 students. The railway clarified it was a private line, not under their jurisdiction. A politician visited the injured, urging safety checks on private lines.
Web Summary : तमिलनाडु में एक मानवरहित क्रॉसिंग पर एक ट्रेन ने कॉलेज बस को टक्कर मार दी, जिसमें 20 से अधिक छात्र घायल हो गए। रेलवे ने स्पष्ट किया कि यह एक निजी लाइन थी, जो उनके अधिकार क्षेत्र में नहीं आती है। एक राजनेता ने घायलों से मुलाकात की और निजी लाइनों पर सुरक्षा जांच का आग्रह किया।