Tamilnadu Election 2026: तमिळनाडू विधानसभा निवडणुकीच्या पार्श्वभूमीवर राष्ट्रीय लोकशाही आघाडी (NDA) मधील जागावाटपाचा फॉर्म्युला अखेर निश्चित करण्यात आला आहे. चेन्नई येथील एआयएडीएमके (AIADMK) मुख्यालयात झालेल्या महत्त्वाच्या बैठकीत जागावाटपाला अंतिम मंजुरी देण्यात आली. या बैठकीला एआयएडीएमकेचे महासचिव आणि माजी मुख्यमंत्री के. पलानीस्वामी, केंद्रीय मंत्री आणि भाजपचे नेते पीयूष गोयल यांच्यासह आघाडीतील इतर पक्षांचे नेते उपस्थित होते.
भाजप किती जागांवर लढणार?
जागावाटपानुसार, तमिळनाडूतील 234 विधानसभा जागांसाठी होणाऱ्या निवडणुकीत भाजप 27 जागांवर निवडणूक लढवणार आहे, तर PMK ला 18 जागा आणि AMMK ला 11 जागा दिल्या जातील. तसेच, उर्वरित 178 जागा AIADMK लढवणार आहे.
बैठकीला प्रमुख नेत्यांची उपस्थिती
या बैठकीत AIADMK कडून के. पलानीस्वामी, भाजपकडून पीयूष गोयल, तमिळनाडू भाजपाध्यक्ष नैनार नागेंथ्रन, PMK चे अध्यक्ष अंबुमणि रामदास आणि AMMK चे टीटीवी दिनाकरन उपस्थित होते. जागावाटपासह या बैठकीत आघाडी मजबूत करण्यावर आणि निवडणूक रणनीतीवर चर्चा करण्यात आली.
DMK ला पराभूत करण्याचा दावा
एनडीए नेत्यांनी दावा केला आहे की, राज्यात त्यांचे आघाडी सरकार पूर्ण बहुमताने सत्तेत येईल. जागावाटपाचा हा फॉर्म्युला ठरवून एआयएडीएमकेने आपल्या प्रमुख मित्रपक्षांना सोबत ठेवण्याचा प्रयत्न केला आहे, जेणेकरून सत्ताधारी आघाडीला कडवी टक्कर देता येईल.
Web Summary : NDA finalized its seat-sharing arrangement for Tamil Nadu's 2026 Assembly elections. BJP will contest 27 seats, PMK 18, AMMK 11, and AIADMK the remaining 178, aiming to defeat the ruling DMK.
Web Summary : तमिलनाडु विधानसभा चुनाव 2026 के लिए एनडीए में सीट बंटवारा तय हो गया है। बीजेपी 27, पीएमके 18, एएमएमके 11 सीटों पर लड़ेगी, जबकि एआईएडीएमके 178 सीटों पर चुनाव लड़ेगी। गठबंधन का लक्ष्य डीएमके को हराना है।