सारांश...

द�

��शव्यापी संपात सहभागी व्हा
नागपूर : विविध मागण्यांसंदर्भात देशभरातील कर्मचारी संघटनांनी २ सप्टेंबरला देशव्यापी संपाचा इशारा दिला आहे. या संपात सहभागी होण्याचे आवाहन महाराष्ट्र राज्य जि.प. कर्मचारी युनियनचे अध्यक्ष संजय सिंग, सरचिटणीस अरविंद अंतूरकर, प्रदीप मेंढे, अरुण थापे, आरोग्य कर्मचारी संघटनेचे मधुकर सोनुने, नरेंद्र भागडकर, लेखा कर्मचारी संघटनेचे सुदाम पांगुळ, अरविंद पावडे आदींनी केले आहे.
..
वसुलीवर परिणाम
नागपूर : मालमत्ता देयकात पाणी बिलाची रक्कम लागून आल्याने मालमत्ता व जलप्रदाय विभागाच्या वसुलीवर परिणाम झाला आहे. दोन वेगवेगळे विभाग असताना संयुक्त बिले पाठविली जात असल्याने संभ्रम निर्माण झाला आहे. प्रशासनाच्या निदर्शनास ही बाब आणल्यानंतरही याची दखल घेतली जात नाही, अशी लोकांची तक्रार आहे.
...
सायकल यादीचा घोळ कायम
नागपूर : जिल्हा परिषदेच्या शिक्षण विभागातर्फे विद्यार्थ्यांना सायकल वाटप केले जाते. ऑगस्ट महिना संपण्याच्या मार्गावर असतानाही अद्याप सदस्यांकडून लाभार्थींच्या याद्या आलेल्या नाही. काहींनी यादीत बदल सुचविले आहे. काहींनी जादा सायकलची मागणी केली आहे. यादीचा घोळ कायम असल्याने वाटप लांबणीवर पडले आहे.