भारतासाठी चिंता वाढवणारी बातमी समोर आली आहे. तेल, गॅस आणि रासायनिक प्रोडक्ट्स भरलेली सहा जहाजे होर्मुझ सामुद्रधुनीत अडकली आहेत. केंद्रीय जहाज वाहतूक मंत्रालयाच्या अधिकाऱ्यांनीच ही माहिती दिली आहे. या सहा जहाजांसह भारताची एकूण २२ जहाजे पर्शियन खाडीत अडकून पडली आहेत.
तीन लाख टन एलपीजी भरलेली सहा भारतीय जहाजांना होर्मुझ सामुद्रधुनीतून येण्यास परवानगी मिळालेली नाही. सहा जहाजांमध्ये एलपीजी गॅस भरलेला आहे. तर चार जहाजांमध्ये कच्चे तेल आणि एका जहाजामध्ये रासायनिक प्रोडक्ट्स आहेत.
केंद्रीय जहाज वाहतूक मंत्रालयाचे विशेष सचिव राजेश कुमार सिन्हा यांनी सांगितले की, एलपीजी घेऊन शिवालिक आणि नंदा देवी ही जहाजे आली आहेत. सरकारच्या सर्वच पोर्टवरून जहाजांच्या हालचालींवर नजर ठेवली जात आहे. त्यांना सर्व प्रकारची मदत केली जात आहे.
भारताची इराणसोबत बोलणी
एलपीजी असलेली सहा जहाजे, दोन कच्चे तेल असलेली आणि एक इतर रासायनिक प्रोडक्ट्स असलेल्या जहाजांना होर्मुझ सामुद्रधुनीतून जाण्याची परवानगी मिळावी म्हणून भारताकडून बोलणी सुरू आहे.
होर्मुझमधून भारतीय जहाजांना सुरक्षित मार्ग करुन देण्यासंदर्भात इराणच्या संबंधित विभागासोबत भारताची चर्चा सुरू आहे. सहा जहाजांमध्ये भारताला तीन दिवस (१४.२ किलोचे सिलेंडर) पुरेल इतका गॅस आहे.
भारतात तीन जहाजे पोहोचली
१७ मार्च आणि १८ मार्च रोजी भारतात तीन जहाजे होर्मुझ सामुद्रधुनी पार करून आली आहे. यात शिवालिक, नंदा देवी आणि जग लाकडी या जहाजांचा समावेश आहे.
Web Summary : Six Indian ships carrying LPG are stranded in the Hormuz Strait, raising concerns. Including these, 22 Indian vessels are stuck in the Persian Gulf, with Indian government in talks with Iran for safe passage. These ships contain enough gas to supply India for three days.
Web Summary : छह भारतीय जहाज़ें एलपीजी के साथ होर्मुज जलडमरूमध्य में फंसी हुई हैं, जिससे चिंता बढ़ गई है। इनको मिलाकर, 22 भारतीय जहाज़ें फारस की खाड़ी में फंसी हैं। भारत सरकार सुरक्षित मार्ग के लिए ईरान के साथ बातचीत कर रही है। इन जहाज़ों में तीन दिन के लिए भारत को आपूर्ति करने के लिए पर्याप्त गैस है।