सिंगल न्यूज पान हॅलो 3

स�

��वप्नाली मित्रगोत्रीस इंग्लिश मॅरेथॉन स्पर्धेत सुवर्णपदक
सोलापूर : ज्ञानप्रबोधिनी शाळेतील विद्यार्थिनी स्वप्नाली अरुण मित्रगोत्री हिने इंग्लिश मॅरेथॉन स्पर्धेत राज्यात 15 क्रमांक मिळवला. इंग्रजी शिक्षण महामंडळाच्या वतीने या स्पर्धा घेण्यात आल्या. सुवर्णपदक, स्मृतिचिन्ह, प्रशस्तीपत्र देऊन तिचा गौरव करण्यात आला. या यशाबद्दल तिचे सर्वत्र कौतुक होत आहे. छत्रपती शिवाजी सायं. महाविद्यालयातील प्रा. अरुण मित्रगोत्री यांची ती मुलगी आहे.
भारतीय मजदूर संघ संपात सहभागी होणार
सोलापूर: ऑल इंडिया स्तरावर व महाराष्ट्र प्रदेशच्या भारतीय मजदूर संघाच्या निर्णयानुसार संघटनेशी संलग्न सर्व उद्योगातील कामगार 2 सप्टेंबर रोजी संपावर जातील असा निर्णय बैठकीत घेण्यात आला. सर्वांनी मोठय़ा संख्येने सहभागी व्हावे, असे आवाहन भारत तांबोळकर, अ. रा. मोडक यांनी केले आहे.
पोलीस भरती मार्गदर्शन शिबीर
सोलापूर: येथील एम्स स्पर्धा परीक्षा केंद्रामध्ये रविवारी 30 ऑगस्ट रोजी सकाळी 11 वाजता लोकसेवा आयोग व पोलीस भरतीचे मार्गदर्शन शिबीर आयोजित केले आहे. हा कार्यक्रम सर्वांसाठी खुला आहे. याचा लाभ घ्यावा, असे आवाहन एम्स स्पर्धा परीक्षा केंद्राच्या वतीने केले आहे.
शेतीपूरक उद्योगाचे प्रशिक्षण
सोलापूर: जिल्हा उद्योग केंद्राच्या वतीने 31 ऑगस्टपसून शेळीपालन,कुक्कुटपालन व दुग्ध व्यवसाय या शेतीपूरक उद्योगाचे प्रशिक्षण आयोजित केले आहे. या प्रशिक्षणात शेळ्यांच्या, गाई-म्हशींच्या जाती, आजार, लसीकरण, आहार, चारा आदीचे तज्ज्ञांकडून मार्गदर्शन केले जाईल. अधिक माहितीसाठी जिल्हा उद्योग केंद्राशी संपर्क साधण्याचे आवाहन केले आहे.
सा. बां. कर्मचारी संघटनेची द्वारसभा
सोलापूर: सार्वजनिक बांधकाम व पाटबंधारे कर्मचारी संघटनेच्या वतीने कर्मचार्‍यांची द्वारसभा सात रस्ता येथील कार्यालयाच्या आवारात पार पडली. यावेळी यात 2 सप्टेंबरच्या मोर्चात सहभागी होणे तसेच चतुर्थर्शेणी कर्मचार्‍यांच्या लाक्षणिक संपास पाठिंबा देण्याचा निर्णय घेण्यात आला. यावेळी अशोक इंदापुरे, शंतनू गायकवाड, नागनाथ माळवदकर, विजयकुमार पोतदार, चंद्रकांत चलवादी आदी उपस्थित होते.
सोलापूर- अंदमान स्वच्छता दिंडी
सोलापूर: स्वातंत्र्यवीर वि. दा. सावरकरांच्या 50 व्या आत्मसर्मपण स्मृतीवर्षानिमित्त 5-6 सप्टेंबर रोजी पोर्ट ब्लेअर, अंदमान येथे चौथे विश्व मराठी साहित्य संमेलन आयोजित केले आहे. यानिमित्त सोमवारी (31 ऑगस्ट) सायंकाळी 5 वाजता चार हुतात्मा येथून ‘सोलापूर-अंदमान स्वच्छता दिंडी’ निघणार आहे. या कार्यक्रमास सर्वांनी उपस्थित राहावे, असे आवाहन कवी फुलचंद नागटिळक यांनी केले आहे.