थोडक्यात...

त�

��ली समाज महिला मंडळाचा स्नेह मेळावा उत्साहात
(फोटो)
जळगाव : श्री संतजी जगनाडे महाराज तेली समाज बहुउद्देशीय महिला संस्थेतर्फे स्नेह सम्मेलनात विविध कार्यक्रमांचे आयोजन झाले.
सुरुवातीला प्रमुख अतिथी मुख्याध्यापक कल्पना बावस्कर, नगरसेविका मंगला चौधरी, प्रमिला चौधरी, सुनंदा चौधरी, सुनीता चौधरी उपस्थित होत्या. यांच्या हस्ते संताजी जगनाडे महाराज यांच्या प्रतिमेचे पूजन व दीपप्रज्ज्वालन करण्यात आले. कार्यक्रमात मुलींसाठी डान्स स्पर्धा व महिलांसाठी उखाणे स्पर्धांसह विविध कार्यक्रम झाले. यातील विजेत्यांना बक्षिसांचे वितरण करण्यात आले. यावेळी महिला मोठ्या संख्येने उपस्थित होत्या.
यशस्वीतेसाठी आशा सोनवणे, मीनाक्षी पाटील, लता चौधरी, उषा चौधरी, आशा महाले, शारदा पाटील, मंगला पाटील, पल्लवी चौधरी, कीर्ती चौधरी,वंदना देवरे यांनी परिश्रम घेतले. सूत्रसंचालन सुनंदा चौधरी यांनी तर आभार उषा चौधरी यांनी मानले.

सुभद्रा चौधरी विद्यालयाचा नामकरण सोहळा उत्साहात
जळगाव : समर्पण संस्था संचलित सुभद्रा लक्ष्मण चौधरी विद्यालयाचा नामकरण सोहळा उत्साहात झाला. कार्यक्रमाच्या अध्यक्षस्थानी जळगाव जनता बँक व विवेकानंद प्रतिष्ठानचे अध्यक्ष माजी प्राचार्य अनिल राव होते.
प्रमुख अतिथी म्हणून जिल्हा बँकेच्या अध्यक्षा रोहिणी खेवलकर होत्या. मंचावर कमलाकर धांडे, सदाशिव महाजन, संजय भावसार, अनिल भोळे, इंदिरा अच्युत, चेतन नन्नवरे उपस्थित होते. यावेळी मान्यवरांसह ॲड. एच. ए. चौधरी, प्रभाकर अच्युत यांनी मनोगत व्यक्त केले.
कार्यक्रमात विद्यार्थ्यांनी समूहगीत सादर केले. सूत्रसंचालन सविता भोळे यांनी तर अभार सदाशिव महाजन यांनी मानले.

प्रबुद्ध महिला मंडळातर्फे रमाई जयंती साजरी
जळगाव : प्रबुद्ध महिला मंडळातर्फे रमाबाई आंबेडकर जयंती साजरी करण्यात आली. यानिमित्ताने रेल्वे स्थानका शेजारील डॉ. बाबासाहेब आंबेडकर पुतळ्याजवळ विशेष कार्यक्रम झाला. प्रमुख अतिथी म्हणून आमदार सुरेश भोळे, स्मिता वाघ, शिलांबरी जमदाळे, तायडेे आदी मान्यवर उपस्थित होते. सुरुवातीला रमाबाई आंबेडकर यांच्या प्रतिमेला पुष्पहार अर्पण करण्यात अला. यावेळी दर्जी फाउंडेशनचे गोपाल दर्जी यांचा संविधान पुस्तक देऊन सत्कार करण्यात आला.