ग्रेटर नोएडामधील सेक्टर अल्फा टू मध्ये एका प्रॉपर्टी डिलरने फिमेल डॉगवर बलात्कार केल्याचा धक्कादायक प्रकार उघडकीस आला आहे. त्यानंतर शेजाऱ्यापाजाऱ्यांनी आरडाओरडा केल्यानंतर हा इसम त्या कुत्रीला तिसऱ्या माळ्यावरून खाली फेकून फरार झाला. उंचावरून फेकल्याने कुत्री जखमी झाली आहे. या घटनेनंतर सोसायटीमधील रहिवाशांनी आरोपीविरोधात पोलिसांकडे तक्रार दिली आहे. त्यानंतर पोलिसांनी आरोपीविरोधात गुन्हा दाखल केला आहे. तसेच या आरोपीच्या पोलिसांनी मुसक्य आवळल्या आहेत.
सेक्टर अल्फा टू येथे राहणाऱ्या एका महिलेने पोलिसांना तक्रार करताना सांगितले की, ही घटना २५ ऑक्टोबरच्या रात्री सुमारे १२.०० वाजता घडली. त्यांनी सांगितले की, सोनवीर हा त्यांच्या शेजारी भाड्याच्या घरामध्ये राहतो. आरोपी सोनवीर याने गल्लीतील कुत्रीवर या इसमाने अनैसर्गिक अत्याचार केला. महिलेच्या तक्रारीनंतर पोलिसांनी आरोपीविरोधात गुन्हा दाखल केला.
तक्रार करणाऱ्या महिलेने सांगितले की, सोनवीर गल्लीमधील एका कुत्रीला त्याच्या घरातील बाल्कनीमध्ये घेऊन आला. तिथे त्याने या कुत्रीसोबत अनैसर्गित कृत्य केले. ही बाब शेराजी राहणाऱ्या अशोक वर्मा यांनी पाहिली. त्यांनी आरडाओरडा सुरू केला. त्यानंतर गडबडलेल्या आरोपीने या कुत्रीला तिसऱ्या मजल्यावरून खाली फेकले.
दरम्यान, महिलेने दिलेल्या तक्रारीवरून पोलिसांनी आरोपी प्रॉपर्टी डिलरविरोधात गुन्हा दाखल केला. त्यानंतर पोलिसांनी आरोपीला अटक केली आहे. पोलीस आरोपीच्या घरी आले तेव्हा तो फरार झाला होता. या प्रकरणाची माहिती मिळताच शहरातील पशुप्रेमींनी आरोपीला कठोरात कठोर कारवाई करण्याची मागणी केली.