मुंबई - लेखक चेतन भगत यांच्यावरही #Metoo मोहिमदरम्यान लैंगिक शोषणाचे आरोप करण्यात आले आहेत. लेखिका ईरा त्रिवेदी यांनी भगत यांच्यावर लैंगिक शोषणाचे आरोप केले होते. मात्र, भगत यांनी ईरा यांचा 2013 रोजी आलेला ई-मेल आपल्या ट्विटर अकाऊंटवरुन शेअर केला आहे. तसेच, आता तुम्हीच सांगा कुणाला कुणाचा किस घ्यायचाय? असा सवालच भगत यांनी विचारला आहे.
अभिनेत्री तनुश्री दत्तानेनाना पाटेकर यांच्यावर लैंगिक शोषणाचे गंभीर आरोप केले. त्यानंतर, बॉलिवूडसह देशातील विविध क्षेत्रात #Metoo मोहिमेने जोर धरला. अभिनेते, दिग्दर्शक, पत्रकार, राजकारणी आणि लेखकांवरही लैंगिक शोषणाचे आरोप होण्यास सुरूवात झाली. त्यातच, लेखक चेतन भगत यांच्यावरही लेखिका आणि योगा टीचर ईरा त्रिवेदी यांनी लैंगिक शोषणाचे आरोप केले. कशाप्रकारे चेतन भगत यांनी आपल्याला एका खोलीत बोलावून किस करण्याचा प्रयत्न केला. मात्र, चेतन भगत यांनी ईरा त्रिवेदीचा मेल ट्विटरवरुन शेअर केला आहे. त्यामध्ये ईरा यांनी Miss U Kiss U असे लिहिले आहे. तसेच तुम्हीच सांगा कुणाला कुणाकडून किस हवाय ? असा प्रश्न विचारत #Metoo मोहिमेला नुकसान पोहोचवून नका, असेही चेतन भगतने म्हटले आहे.