आली पाकिस्तानात जाण्याची इच्छा नाही, तेथे आपल्या जीवाला धोका आहे. सोशल मीडिया आणि मीडियाच्या माध्यमाने आपली ओळक संपूर्ण पाकिस्तानला झाली आहे. यामुळे आता तेथे गेले तर आपल्याला छळ करून मारण्यात येईल, असे पाकिस्तानी नागरिक आणि भारतीय तरुणाच्या कथित प्रेमात पडून भारतात आलेल्या सीमा हैदरने म्हटले आहे. याच वेळी तीने पाकिस्तानमधील एका कथित कुप्रथेसंदर्भातही मोठा खुलासा केला. ज्या भागात आपण राहतो, तेथील लोक पैशाच्या लालसेपोटी आपल्या मुली वृद्धांना विकतात, असेही सीमाने म्हटले आहे. याच वेळी आपण हेर नाही असेही म्हटले आहे.
एका वृत्त वाहिनीसोबत बोलताना सीमा म्हणाली, मी गुप्तहेर नाही. हवे तर, माझी पॉलीग्राफी टेस्ट करा, रॉ आणि सीबीआयकडून माझी चौकशी करा. माझे काही चुकले असेल तर मला तुरुंगात टाका. पण मला पाकिस्तानात परत जायचे नाही. आता भारतासह पाकिस्तानातही सर्वांना माझी ओळख झाली आहे. जर मी परत गेली तर तेथे मरून टाकतील.
सीमा म्हणाली, 'मी पाकिस्तानातील ज्या भागातून येते, तेथील कल्चर अत्यंत विचित्र आहे. तेथील मुलींना फोटो काढण्याचीही परवानगी नाही. मी तर सोशल मीडिया आणि मीडियामुळे चर्चेत आले आहे. मी पाकिस्तानातून पळून भारतात आले. एका हिंदू मुलाशी लग्न केले. तेथे लोक मला जिवंत सोडणार नाहीत. मला मारून टाकतील.
मी पाकिस्तानातील ज्या भागात राहत होते, तेथे मुली एक ते दीड लाख रुपयांना विकल्या जातात आणि त्यांचे म्हातार्यांसोबत लग्न लावली जातात. एवढेच नाही, तर कदाचित माझ्या घरच्यांनीही मला हैदरला विकले असेल. मला स्पष्टपणे आठवत नाही, पण माझे लग्न जबरदस्तीने लावण्यात आले होते, असेही सीमा हैदरने सांगितले.