नवी दिल्ली - भारताची दिग्गज टेनिसपटू सानिया मिर्झा आणि शोएब मलिक यांच्या नात्याबाबत वेगवेगळे तर्कवितर्क लढवले जात आहेत. सानिया मिर्झाने २०१० मध्ये शोएब मलिकसोबत विवाह केला होता. लग्नानंतर १२ वर्षांनी दोघांचं नातं अत्यंत कठीण काळातून जात आहे. दरम्यान, या दोघांमधील संबंध कमालीचे बिघडले असून, त्यांनी घटस्फोट घेतल्याची माध्यमांमध्ये चर्चा आहे. मात्री ही बाब या दोघांनीही अद्याप अधिकृतरीत्या जाहीर केलेली नाही. तसेच त्यांनी आपल्या नात्याबाबत मौन बाळगले आहे. दरम्यान, काही कारणामुळे या दोघांनीही आपल्या घटस्फोटाची बातमी लपवलेली आहे.
मीडिया रिपोर्ट्सनुसार शोएब मलिक आणि सानिया मिर्झा यांच्यातील नात्यामध्ये बऱ्याच दिवसांपासून खटके उडत आहेत. त्यामुळे हे दोघेही वेगळे होत आहेत. रिपोर्ट्सनुसार दोघांनीही घटस्फोट घेतला आहे. मीडिया आणि फॅन्सना याबाबतची माहिती देण्यात आलेली नाही.
आता सानिया व शोएब मलिक यांनी घटस्फोट घेतला असेल तर त्याची घोषणा एवढे दिवस जाहीर का केलेली नाही, असा प्रश्न तुम्हाला पडला असेल. तर त्याचं कारण आम्ही तुम्हाला सांगतो. त्याला कारण आहे सानिया मिर्झा आणि शोएब मलिक यांचा एक शो. द मिर्झा-मलिक शो या कार्यक्रमामध्ये दोघेही काम करत आहेत. या शोच्या करारामुळे या दोघांनाही घटस्फोटाची घोषणा लांबणीवर टाकावी लागत आहे. हा शो संपल्यानंतर दोघेही घटस्फोटाची घोषणा करतील.
मीडिया रिपोर्ट्सनुसार शोएब मलिक पाकिस्तानी मॉडेल आएशा ओमरला डेट करत आहे. तिच्यामुळेच सानिया मिर्झा आणि शोएब मलिकच्या नात्यामध्ये दुरावा निर्माण झाला आहे.