कळमेश्वरचे माजी नगराध्यक्ष रमेश अढाऊ यांचे निधन

कळमेश्वरचे माजी नगराध्यक्ष रमेश अढाऊ यांचे निधन

क�

��मेश्वरचे माजी नगराध्यक्ष रमेश अढाऊ यांचे निधन
कळमेश्वर : नगर परिषदेचे माजी अध्यक्ष तथा शिवसेना नेते रमेश अढाऊ यांचे मंगळवारी मध्यरात्री १ वाजताच्या सुमारास हृदयविकाराने निधन झाले. त्यांच्या पार्थिवावर स्थानिक स्मशानभूमीत शेकडो शिवसैनिक व विविध राजकीय पक्षाच्या पदाधिकाऱ्यांच्या उपस्थितीत बुधवारी अंत्यसंस्कार करण्यात आले. त्यांच्यापश्चात पत्नी, चार मुली, दोन भाऊ, बहीण असा आप्तपरिवार आहे.
रमेश अढाऊ यांनी सन १९८७ मध्ये कळमेश्वरात शिवसेनेचा प्रथम झेंडा रोवला. त्यानंतर शिवसैनिकांना संघटित करून विदर्भात पहिल्यांदा सेनेचा नगरसेवक निवडून आणला होता. दरम्यानच्या काळात अढाऊ यांनी पालिका राजकारणात मुसंडी मारली. नगरसेवकपदी निवडून आल्यानंतर त्यांनी एक वर्षाकरिता नगराध्यक्षपद भूषविले. त्यानंतर सन २००२ ते २००७ मध्ये पुन्हा ते नगराध्यक्षपदी होते. सन १९८९ मध्ये कळमेश्वर विधानसभा मतदारसंघात त्यांना शिवसेनेकडून उमेदवारी मिळाली होती. परंतु त्या निवडणुकीत त्यांचा पराभव झाला. त्यांनी कळमेश्वर कृउबासचे प्रशासक म्हणूनही जबाबदारी सांभाळली होती. एक निष्ठावंत शिवसैनिक म्हणून ते ओळखले जात. (तालुका प्रतिनिधी)