चेन्नई: जम्मू-काश्मीरला विशेष दर्जा देणारे कलम 370 हटविण्याचे प्रस्तावित विधेयक सोमवारी राज्यसभेत मंजूर करण्यात आले. यानंतर आज लोकसभेत कलम 370 वर वादळी चर्चा झाल्यानंतर हे विधेयक 351 विरुद्ध 72 मताधिक्याने पारित झाले. त्यामुळे केंद्रातील मोदी सरकारचा ऐतिहासिक विजय झाला आहे.
तसेच या निर्णयाचे अनेक स्तरावरुन मोदी- शहा जोडीचे कौतुक होत असतानाच दाक्षिणात्य कलाकार रजनिकांतने देखील मोदी सरकारचे कौतुक केले आहे. त्यांनी चेन्नईमध्ये राज्यसभा सभापती आणि उपराष्ट्रपती व्यंकय्या नायडू यांच्या जीवनावर आधारित पुस्तकाच्या प्रकाशन सोहळ्याच्या कार्यक्रमाला त्यांनी हजेरी लावली होती.
रजनीकांतने कौतुक करत सांगितले की, गृहमंत्री अमित शहा आणि पंतप्रधान नरेंद्र मोदी यांची जोडी म्हणजे कृष्ण आणि अर्जुनाची जोडी असल्याचे त्यांनी स्पष्ट केले. त्याचप्रमाणे अमित शहांनी मिशन काश्मीर पूर्ण केल्याबद्दल शुभेच्छा दिल्या आहेत.