इंदूरमधील वाहतूक व्यावसायिक राजा रघुवंशी हत्या प्रकरणात दररोज नवीन खुलासे होत आहेत. आता एका महिलेने राजा रघुवंशी याचे एका तरुणीसोबत प्रेमसंबंध असल्याचा मोठा दावा केला आहे. दावा करणारी महिला राजाचा मोठा भाऊ सचिनची पत्नी असल्याचे म्हटले आहे. सचिनने मंदिरात आपल्यासोबत लग्न केल्याचं तिने म्हटले आहे आणि मूल झाल्यानंतर तो निघून गेला. त्यानंतर महिलेने सचिनविरुद्ध बलात्काराचा गुन्हाही दाखल केला. महिलेने सचिनच्या चारित्र्यावर प्रश्नचिन्ह उपस्थित केले आणि त्याच्यावर अनेक महिलांशी अवैध संबंध असल्याचा आरोप केला.
वृद्ध महिलांना बांधून ठेवलं, पुरुषांच्या अंगावर कपडेही नाहीत! आश्रमातील धक्कादायक प्रकार उघड
राजा रघुवंशीला देखील आपण ओळखते आणि राजाचे दुसऱ्या मुलीशी प्रेमसंबंध असल्याचे सांगितले. महिलेचे म्हणणे आहे की ती तिच्या मुलासाठी न्याय मागण्यासाठी मीडियासमोर आली आहे.
पीडितेने सांगितले की, तिची सचिन रघुवंशीशी भेट शहरातील विजय नगर भागातील एका बॉडी मसाज सेंटरमध्ये झाली, तिथे ती काम करायची. येथून सचिनने तिच्याशी जवळीक साधला, तिला लग्नाचे आमिष दाखवले आणि नंतर तिच्याशी अनेक वेळा जबरदस्तीने शारीरिक संबंध ठेवले. ज्यावेळी ती गर्भवती राहिली तेव्हा सचिनने तिच्यावर गर्भपात करण्यासाठी दबाव आणला आणि तिने नकार दिल्यावर त्याने तिला मारहाण केली आणि तिच्यावर अत्याचार केला. आता पीडिता दीड महिन्याच्या मुलाची आई आहे, याचे वडील सचिन आहेत, पण परत तो आलाच नाही, असा आरोप तिने केला आहे.
राजा याचे तीन वर्षांपासून प्रेमसंबंध होते
पीडित महिलेने दिलेल्या माहितीनुसार, राजा रघुवंशी गेल्या ३ वर्षांपासून एका प्रेयसीसोबत रिलेशनशिपमध्ये होता, तो तिच्याशी लग्न करू इच्छित होता. २०२३ मध्ये रंगपंचमीला झालेल्या एका कार्यक्रमात राजा, त्याची प्रेयसी, राजाची बहीण, सचिन आणि मी एकत्रच होतो असा दावाही तिने केला.
पीडितेने एक व्हिडीओ देखील दाखवला यामध्ये राजा, त्याची मैत्रीण आणि सचिन एका पबमध्ये मद्यपान करताना आणि नाचताना दिसत आहेत. व्हिडिओमध्ये सचिनचे मित्र देखील दाखवले आहेत जे सचिनच्या घरी, राजाच्या अंत्यसंस्कारात आणि राजाच्या हत्येनंतर पत्रकार परिषदांमध्ये दिसले आहेत.