pm narendra modi speech ncc rally delhi parade live updates spoke on corona virus and border tension | एनसीसीला आता मोठी जबाबदारी देणार; पंतप्रधान नरेंद्र मोदी यांची माहिती

एनसीसीला आता मोठी जबाबदारी देणार; पंतप्रधान नरेंद्र मोदी यांची माहिती

ठळक मुद्देराष्ट्रीय कॅडेट कोरच्या कार्यक्रमाला पंतप्रधानांनी केलं संबोधितसंविधातील नागरिकांसाठीच्या कर्तव्यांचं पालन करणं आपलं दायित्व, पंतप्रधानांचं वक्तव्य

पंतप्रधाननरेंद्र मोदी हे गुरूवारी दिल्लीतील राष्ट्रीय कॅडेट कोरच्या कार्यक्रमात सहभागी झाले होते. पंतप्रधाननरेंद्र मोदी यांना यावेळी गार्ड ऑफ ऑनरही देण्यात आलं. "संविधानात नागरिकांच्या कर्तव्यांबाबत सांगण्यात आलं आहे, त्याचं पालन करणं हे सर्वांचं दायित्व आहे," असं मोदी यावेळी म्हणाले. तसंच विषाणू असेल किंवा सीमेवरील आव्हान भारत त्याचा सामना करण्यासाठी सज्ज असल्याचा विश्वासही त्यांनी यावेळी व्यक्त केला. तसंच आता एनसीसीला मोठी जबाबदारी देण्यात येणार असून प्रशिक्षणही सुरू झालं असल्याचं त्यांनी सांगितलं. या कार्यक्रमाला संरक्षण मंत्री राजनाथ सिंह, चीफ ऑफ डिफेन्स स्टाफ बिपिन रावत आणि तिनही दलांचे प्रमुख उपस्थित होते. 

"विषाणू असो किंवा सीमेवरील आव्हा भारत पूर्ण ताकदीनीशी तयार आहे हे गेल्या वर्षानं सर्वांना दाखवून दिलं आहे. आज देशात दोन स्वदेशी कोरोना प्रतिबंधात्मक लसी तयार करण्यात आल्या आहेत. लष्कराचं आधुनिकीकरण करण्यात येत आहे. देशाला राफेल विमानंदेखील मिळाली आहेत. लष्कराच्या गरजा आता भारतातच पूर्ण करण्यात येत आहेत," असंही मोदी यावेळी म्हणाले. 



"या ठिकाणी येऊन मला कायमच सुखद अनुभव येतो. प्रत्येकाला अभिमान वाटतो. ज्या देशांमध्ये शिस्त आहे त्या देशांनी प्रत्येक क्षेत्रात आपलं नाव उंचावलं आहे. सर्व तरूणांनी आपल्या आसपासच्या लोकांनाही शिस्त शिकवली पाहिजे," असा सल्लाही मोदींनी यावेळी दिला. "देशात जेव्हा कोणतंही महत्त्वाचं काम असतं त्यावेळी एनसीसीचे कॅडेट्स त्या ठिकाणी हजर असतात. संकटकाळातही मदतीसाठी ते पुढे असतात. संविधानात नागरिकांच्या कर्तव्याबबात सांगण्यात आलं आहे. परंतु त्याचं पालन करणं हे प्रत्येकाचं दायित्व आहे. देशात नक्षलवादाची मोठी समस्या होती. परंतु लोकांमध्ये झालेल्या जनजागृतीमुळे नक्षलवादाचं कंबरडं आता मोडलं आहे," असंही त्यांनी नमूद केलं.



एनसीसीला मोठी जबाबदारी

"एनसीसीच्या कार्यक्षेत्राचा आता विस्तार करण्यात येणार आहे. सीमावर्ती भाग, सुमद्र किनाऱ्यांशी निगडीत सुरक्षा अधिक सक्षम करण्यासाठी एनसीसीला सामावून घेतलं जाणार आहे. यासाठी एक लाख कॅडेट्सना प्रशिक्षण दिलं जात आहे. आता मोठ्या प्रमाणात मुलीही कॅडेट्सचा भाग बनू लागल्या आहेत," असंही त्यांनी नमूद केलं. 

वाचकहो, 'लोकमत'ला टेलिग्रामवर फॉलो करताय ना?... अजून जॉईन केलं नसेल तर क्लिक करा ( @LokmatNews ) आणि मिळवा महत्त्वाचे अपडेट्स अन् ताज्या बातम्या!

Web Title: pm narendra modi speech ncc rally delhi parade live updates spoke on corona virus and border tension

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.