Piyush Goyal on Russian Oil Import: भारताने अमेरिकेसोबत व्यापार करार केला आहे, मात्र रशियन तेल आयातीबाबत अजूनही स्पष्टता मिळाली नाही. दरम्यान, भारताचे केंद्रीय वाणिज्य मंत्री पीयूष गोयल यांनी रविवारी(८ फेब्रुवारी २०२६) अमेरिकेसोबत होणाऱ्या ट्रेड डीलबाबत भाष्य करताना रशियन तेल खरेदीच्या मुद्द्यावर थेट उत्तर देणे टाळले. मात्र, त्यांनी अमेरिकेडून तेल खरेदी करणे भारताच्या हिताचे असल्याचे म्हटले.
ऊर्जा स्रोतांमध्ये विविधता आणणे भारताच्या हिताचे
अमेरिकेचे राष्ट्राध्यक्ष डोनाल्ड ट्रम्प यांनी भारताने रशियाकडून तेल खरेदी केल्यास २५ टक्के टॅरिफ पुन्हा लावण्याची अट घातल्याच्या पार्श्वभूमीवर गोयल यांना प्रश्न विचारण्यात आला होता. यावर उत्तर देताना केंद्रीय वाणिज्य मंत्र्यांनी सांगितले, अमेरिकेकडून कच्चे तेल, LNG किंवा LPG खरेदी करणे भारताच्या रणनीतिक हितांमध्ये आहे, कारण आम्ही आमच्या ऊर्जा स्रोतांमध्ये विविधता आणत आहोत.
ट्रेड डीलवर रशियन तेलाचा परिणाम होणार नाही
न्यूज एजन्सी एएनआयला दिलेल्या मुलाखतीत गोयल यांना विचारण्यात आले की, रशियन तेल किंवा संरक्षण क्षेत्रातील मुद्द्यांवर भारत आणि अमेरिका यांच्यात सहमती न झाल्यास ट्रेड डीलवर त्याचा परिणाम होईल का? यावर त्यांनी ठामपणे उत्तर दिले, नाही, अजिबात नाही. ट्रेड डीलमध्ये कोण कोणाकडून काय खरेदी करेल, हे ठरवले जात नाही. ट्रेड डीलचा उद्देश व्यापार सुलभ करणे आणि प्राधान्याच्या आधारे बाजारात प्रवेश मिळवून देणे हा असतो.
FTA मुळे भारताला स्पर्धात्मक फायदा
केंद्रीय मंत्र्यांच्या मते, अमेरिका हा काम करण्यासाठी एक उत्तम देश आहे. खरं तर, अमेरिका हा व्यवसाय करण्यासाठी एक उत्तम देश आहे. मी स्वतः, माझ्या तरुणपणी, अमेरिकेत अनेक उत्पादने निर्यात केली आहेत. फ्री ट्रेड अॅग्रीमेंट (FTA) चा मुख्य उद्देश म्हणजे प्राधान्य प्रवेश देणे. जेव्हा आम्हाला १८ टक्के रेसिप्रोकल टॅरिफ मिळतो, तेव्हा इतर विकसनशील देशांच्या तुलनेत भारताला आघाडी मिळते. हे देश बहुतांश वेळा आपले थेट स्पर्धक असतात, असेही गोयल यांनी नमूद केले.
भारतासाठी अनेक संधी निर्माण होणार...
भारताचे सार्वभौमत्व गहाण ठेवल्याच्या आरोपांवर बोलताना पीयूष गोयल म्हणाले, हा निव्वळ मूर्खपणा आहे. जो कोणी हे बोलत आहे, तो खूप अज्ञानी व्यक्ती असला पाहिजे, ज्याला हे समजत नाही की, हा करार दोन्ही बाजूंनी झालेल्या गहन वाटाघाटींमधून साकारला आहे, जो आपल्या देशाच्या २०४७ पर्यंत विकसित आणि समृद्ध देश बनण्याच्या उद्दिष्टाच्या सर्वोत्तम हिताचे आहे.
Web Summary : Piyush Goyal emphasized that importing oil from the US aligns with India's strategic interests by diversifying energy sources. He sidestepped questions on Russian oil imports and clarified that trade deals focus on facilitating trade, not dictating specific purchases, ensuring India gains a competitive edge through preferential access.
Web Summary : पीयूष गोयल ने कहा कि अमेरिका से तेल आयात करना भारत के रणनीतिक हितों के अनुरूप है क्योंकि इससे ऊर्जा स्रोतों में विविधता आती है। उन्होंने रूसी तेल आयात पर सवालों को टाल दिया और स्पष्ट किया कि व्यापार समझौते व्यापार को सुविधाजनक बनाने पर केंद्रित हैं, न कि विशिष्ट खरीदों को निर्देशित करने पर, जिससे भारत को तरजीही पहुंच के माध्यम से प्रतिस्पर्धात्मक लाभ सुनिश्चित होता है।