नवी दिल्ली - गेल्या काही दिवसांपासून इंधनाच्या दरात सातत्याने घट होत आहे. मुंबईत आज पेट्रोल 29 पैशांनी स्वस्त झालं आहे. त्यामुळे मुंबईकरांना आज पेट्रोलसाठी 74.88 रुपये मोजावे लागतील. डिझेलच्या दरातही 32 पैशांची घट झाली आहे. त्यामुळे मुंबईत डिझेलचा दर 66.24 रुपयांवर आला आहे.
खनिज तेलाच्या दरात मोठी घट; स्वस्त होणार पेट्रोल-डिझेल?
दिल्लीतही इंधनाचे दर घटले आहेत. दिल्लीतही पेट्रोल 29 पैशांनी स्वस्त झालं आहे. त्यामुळे एक लिटर पेट्रोलसाठी 69.26 रुपये मोजावे लागणार आहे. तर डिझेलच्या दरात 30 पैशांची घट झाली आहे. त्यामुळे दिल्लीत डिझेलचा दर 63.32 रुपयांवर आला आहे.
गेल्या काही दिवसांपासून पेट्रोल, डिझेलच्या दरांमध्ये घसरण होत आहे. इंधनाची किंमत डॉलरचा दर व आंतरराष्ट्रीय बाजारातील कच्च्या तेलाचे भाव यावर निश्चित होते. दोन महिन्यांपासून कच्चे तेल महाग झाले होते. पण आता ते काही प्रमाणात स्वस्त झालं आहे.