पेट्रोल ८२, डिझेल ६१ पैशांनी महाग

गेल्या सहा महिन्यांपासून सुरू असलेला दरकपातीचा ट्रेंड फिरवित सार्वजनिक तेल कंपन्यांनी रविवारी पेट्रोल व डिझेलच्या दरात वाढ केली

नवी दिल्ली : गेल्या सहा महिन्यांपासून सुरू असलेला दरकपातीचा ट्रेंड फिरवित सार्वजनिक तेल कंपन्यांनी रविवारी पेट्रोल व डिझेलच्या दरात वाढ केली. दरवाढ मध्यरात्रीपासून लागू झाली आहे. आॅगस्ट २०१४ नंतर पेट्रोल व डिझेलच्या दरात वाढ केली जाण्याची ही पहिलीच वेळ आहे. पेट्रोलचे दर प्रति लिटरमागे ८२ पैसे व डिझेलचे दर प्रति लिटरमागे ६१ पैशांनी वाढविले आहेत.
दरवाढ स्थानिक दर वगळून प्रत्यक्षातील पेट्रोलचे दर हे १ रुपयाच्या आसपास तर डिझेलचे दर प्रति लिटर ९० पैशांच्या आसपास असतील.