संसदेच्या अर्थसंकल्पीय अधिवेशनाचा दुसरा टप्पा सुरू असताना आज संसद भवन परिसरात अचानक धोक्याचा अलार्म वाजल्याने एकच खळबळ उडाली. धोक्याचा अलार्म वाजल्याने सुरक्षा यंत्रणा सज्ज झाल्या. तसेच संसद भवन परिसात येणाऱ्या वाहनांना रोखण्यात आले. तसेच महत्त्वाच्या ठिकाणी तैनात असलेले जवान सज्ज झाले.
याबाबत मिळालेल्या माहितीनुसार संसदेच्या प्रवेशद्वाराजवळ असलेला धोक्याचा अलार्म अचानक वाजू लागला. संसदेच्या प्रवेशद्वाराजवळ एका वाहनाचा पास सिस्टिम वाचू शकली नाही. हा पास स्कॅन न झाल्याने तिथे बसवलेली यंत्रणा सज्ज होऊन धोक्याचा इशारा देणारा अलार्म वाजू लागला. त्यानंतर तिथे तैनात असलेले जवान सतर्क झाले. तसेच या वाहनाला रोखण्यासाठी त्यांनी पोझिशन घेतली.
सूत्रांनी दिलेल्या माहितीनुसार सुरक्षा यंत्रणांनी खबरदारीचा उपाय म्हणून या वाहनाला पुढे येण्यापासून रोखले. या दरम्यान, सीआरपीएफच्या जवानांनी मोर्चा सांभाळून संपूर्ण परिसराला घेराव घातला. तसेच सुरक्षा व्यवस्थेच्या नियामानुसार संबंधित वाहनाची त्या वाहनातून प्रवास करणाऱ्यांकडे असलेल्या पासचा तपास सुरू केला.
Web Summary : A security alarm triggered panic in Parliament during the budget session. A vehicle pass malfunctioned, activating the alarm. Security forces swiftly responded, halting vehicles and securing the area while investigating the cause.
Web Summary : बजट सत्र के दौरान संसद में एक सुरक्षा अलार्म बजने से दहशत फैल गई। एक वाहन पास में खराबी के कारण अलार्म सक्रिय हो गया। सुरक्षा बलों ने तुरंत प्रतिक्रिया दी, वाहनों को रोका और कारण की जांच करते हुए क्षेत्र को सुरक्षित किया।