भारतीय औषध निर्माता कंपन्यांचे कफ सिरप घेतल्याने आफ्रिकेतील गांबियामध्ये 66 मुलांचा मृत्यू झाल्याचा आरोप आहे. यातच आता देशातील आणखी काही औषध निर्माता कंपन्यांचे सॅम्पल्स फेल झाले आहेत. सेंट्रल ड्रग्स स्टॅन्डर्ड कंट्रोल ऑर्गनायझेशन (सीडीएससीओ) कडून गेल्या महिन्यात जारी करण्यात आलेल्या अहवालानुसार, जवळपास 45 औषधांचे सॅम्पल्स निकृष्ट गुणवत्तेची असल्याचे दिसून आले आहेत. फेल झालेल्या सॅम्पल्सपैकी 13 हिमाचल प्रदेशमधील मॅन्युफॅक्चरिंग यूनिट्समधील आहेत. ज्या औषधांचे सॅम्पल्स फेल झाले आहेत, त्यात पॅरासिटामॉलचाही समावेश आहे. खरे तर या औषधांचा उपयोग अत्यंत सामान्य आहे.
'द ट्रिब्यून'च्या एका वृत्तानुसार, यावर्षी मे महिन्यात सहाय्यक औषध नियंत्रक आणि परवाना प्राधिकरण, नवी दिल्लीने ग्लेनमार्क फार्मास्युटिकल्स लिमिटेड विरुद्ध चौकशी सुरू केली होती आणि या कंपनीचे एक औषध Telmisartan (ब्लड प्रेशर मध्ये वापरेले जाणारे) ला ड्रग्स अॅण्ड कॉसमेटिक अॅक्ट 140 च्या कलम 17B (E) नुसार 'संशयास्पद' असल्याचे सांगण्यात आले. मोहाली येथील औषध कंपनीचे Ofloxacin आणि Ornidazole अँटिबायोटिकचे नमुनेही चाचणी पास झाले नाहीत.
चिंदिगड येथील कंपनीत तयार होणारे अँटीबायोटिक Gentamicin injection बॅक्टेरियल एंडोटॉक्सिन आणि स्टेरिलिटी टेस्ट पास करू शकले नाही. नुकतेच, हिमाचलमधील काला एमबीची निक्सी लॅबोरेटरी चौकशीच्या कक्षेत आली होती. कारण हिचे एक औषध, ऍनेस्थेसिया प्रोपोफोल anaesthesia Propofol, गुणवत्तेच्या चाचणीत अयशस्वी ठरले होते. याचे सॅम्पल चंदीगड पीजीआयएमईआरमध्ये पाच रुग्णांचा मृत्यू झाल्यानंतर, इमर्जन्सी वार्डमधून एकत्रित करण्यात आले होते. या सर्व रुग्णांना सर्जरीपूर्वी हे बेशुद्ध करण्यासाठी वापरले जाणारे औषध देण्यात आले होते. महत्वाचे म्हणजे, हिमाचलमधील औषध निर्माता कंपनीला या बॅचची सर्व औषधे परत मागवण्यास सांगण्यात आले होते.
रिपोर्टनुसार या औषधांचे सॅम्पल टेस्टमध्ये फेल -- Methycobalamin, Alpha Lipoic acid- USV Pvt Ltd. Baddi- Paracetamol Tablets - T&G Medicare, Baddi- Paracetamol Tablets- Alco Formulation, Faridabad- Paracetamol Tablets- ANG Lifesciences, Solan- Chlordiazepoxide- Wockhardt, Nalagarh- Amoxicillin-Potassium Clavulanate- Mediwell Bioteh solan- Vitamin D3 Chewable tablets- Maxtar Biogenics, Nalagarh- Ofloxacin and Ornidazole tablets- Amkon Pharmaceuticals, Mohali- Lvermectin dispersible Tablets- Plena Remedies, Baddi- Itraconazole Capsules- Theon Pharmaceuticals, Baddi- Gentamicin Injection- BM Pharmaceuticals, Chandigharh- Mefenamic acid tablets- Navkar Lifesciences, Baddi- Aluminium hydroxide- Biogenetic Drugs Pvt Ltd. Baddi