ओडिशामधील सर्वात मोठे सरकारी रुग्णालय असलेल्या कटकच्या SCB मेडिकल कॉलेज आणि हॉस्पिटलमध्ये सोमवारी पहाटे भीषण आग लागल्याची हृदयद्रावक घटना घडली आहे. रुग्णालयाच्या ट्रॉमा केअर युनिटमधील ICU मध्ये लागलेल्या या आगीत किमान १० रुग्णांचा मृत्यू झाला असून अनेक जण गंभीर जखमी झाले आहेत.
मिळालेल्या माहितीनुसार, पहाटे ३ च्या सुमारास ट्रॉमा केअर विभागाच्या पहिल्या मजल्यावरील आयसीयूमध्ये शॉर्ट सर्किटमुळे ही आग लागली. काही वेळातच संपूर्ण वार्डमध्ये धूर पसरला. आयसीयूमधील रुग्ण व्हेंटिलेटर आणि लाइफ सपोर्ट सिस्टिमवर असल्याने त्यांना बाहेर काढण्यात मोठी अडचण आली. गुदमरल्यामुळे आणि आगीच्या लपटेंमुळे सात रुग्णांचा जागीच मृत्यू झाला, तर तिघांचा इतरत्र हलवताना मृत्यू झाला.
बचावकार्य आणि मदतकार्यरुग्णांना वाचवण्याच्या प्रयत्नात रुग्णालयातील २३ कर्मचारी आणि ११ आरोग्यसेवक जखमी झाले असून त्यांना धुरामुळे श्वसनाचा त्रास होत आहे. अग्निशमन दलाच्या तीन गाड्यांनी घटनास्थळी धाव घेत तासाभराच्या प्रयत्नांनंतर आगीवर नियंत्रण मिळवले. वाचलेल्या गंभीर रुग्णांना तातडीने 'न्यू मेडिसिन आयसीयू'मध्ये हलवण्यात आले आहे.
मुख्यमंत्र्यांकडून २५ लाखांची मदत आणि चौकशीचे आदेशओडिशाचे मुख्यमंत्री मोहन चरण माझी यांनी तातडीने रुग्णालयाला भेट दिली. त्यांनी मृत रुग्णांच्या नातेवाईकांना प्रत्येकी २५ लाख रुपयांची मदत जाहीर केली आहे. तसेच या संपूर्ण प्रकरणाची न्यायिक चौकशी करण्याचे आदेश देऊन दोषींवर कडक कारवाई करण्याचे आश्वासन दिले आहे.
Web Summary : A devastating fire at Cuttack's SCB Medical College ICU killed ten patients early Monday. Short circuit triggered the blaze, trapping ventilator-dependent victims. Rescue efforts injured hospital staff. The Chief Minister ordered an inquiry and announced compensation for the bereaved families.
Web Summary : कटक के एससीबी मेडिकल कॉलेज के आईसीयू में सोमवार सुबह भीषण आग लगने से दस मरीजों की मौत हो गई। शॉर्ट सर्किट से आग लगी, जिससे वेंटिलेटर पर निर्भर मरीज फंस गए। बचाव कार्य में अस्पताल के कर्मचारी घायल हो गए। मुख्यमंत्री ने जांच के आदेश दिए और शोक संतप्त परिवारों के लिए मुआवजे की घोषणा की।