सिंचन घोटाळ्याची एकही फाईल प्रलंबित नाही मुख्यमंत्री : सर्वच प्रकल्पांच्या चौकशीचे आदेश

स�

��ंचन घोटाळ्याची एकही फाईल प्रलंबित नाही!
मुख्यमंत्री : कोकणसह विदर्भातील प्रकल्पांच्या चौकशीचे आदेश
नागपूर : सिंचन घोटाळ्यातील विदर्भ, कोकणसह राज्यातील इतरही सिंचन प्रकल्पांच्या चौकशीचे आदेश यापूर्वीच एसीबीला (लाचलुचपत प्रतिबंधक विभाग) देण्यात आले आहेत़ यासंदर्भातील एकही फाईल राज्य शासनाकडे प्रलंबित नाही, असे मुख्यमंत्री देवेंद्र फडणवीस यांनी रविवारी येथे स्पष्ट केले़
नागपूर येथील धरमपेठ वाणिज्य महाविद्यालयात आयोजित कार्यक्रमानंतर ते पत्रकारांशी बोलत होते. सिंचन घोटाळ्याची चौकशी करताना फक्तकोकणातील प्रकल्पांच्या चौकशीचे आदेश देण्यात आले आहेत. चौकशीतून विदर्भ सिंचन विकास महामंडळाच्या प्रकल्पांना वगळले, अशी चर्चा आहे. याकडे फडणवीस यांचे लक्ष वेधले असता ते म्हणाले, ही चर्चा निराधार आहे. सिंचन घोटाळ्याशी संबंधित एसीबीने आतापर्यंत ज्या ज्या परवानग्या शासनाकडे मागितल्या आहेत़ त्या सर्व प्रकरणांच्या चौकशीचे आदेश यापूर्वीच देण्यात आले आहेत. त्यात कोकणासह विदर्भ सिंचन विकास महामंडळाच्या प्रकल्पांसह राज्यातील सर्व प्रकल्पांचा समावेश आहे. या संदर्भातील एकही फाईल आमच्याकडे प्रलंबित नाही. (प्रतिनिधी)