झारखंडमधून एक नात्यातील विचित्र प्रेमकहानी समोर येत आहे. पाटन प्रखंडच्या पकरी गावातील ही घटना आहे. सहा वर्षांपूर्वी लग्न झालेल्या मामीचे आणि भाच्याचे वर्षभरापूर्वी अफेअर सुरु झाले होते. ते एवढे पुढे गेले की नातेसंबंध वगैरे हे दोघे सर्व विसरले होते. एके दिवशी बंद खोलीत संबंध ठेवताना मामाने दोघांनाही पकडले आणि नंतर जे पुढे घडले ते राज्यभरात चर्चेचा विषय ठरले आहे.
सुबई भुईयाचे लग्न रीता कुमारीसोबत झाले होते. सुबईला एक भाचा होता. तो मामाजवळच राहत होता. त्याच्याच आणि मामीमध्ये प्रेसंबंध निर्माण झाले. वर्षभर मामाला याची खबर पण नव्हती. काही दिवसांपूर्वी या दोघांना घरातील बंद खोलीत मामाने रंगेहाथ पकडले आणि त्याला धक्का बसला. त्याने दोघांनाही रडत रडत पिटले. त्याच्या घरातून मोठमोठ्याने आवाज ऐकून गाव गोळा झाला. त्यानंतर त्याच्या कुटुंबातील लोकही आले.
मामी-भाच्यात अनैतिक संबंध होते. परंतू, गावाच्या समोर तंटा सोडविताना ना मामी भाच्याला सोडायला तयार झाली ना भाचा मामीला. यामुळे शेवटी मामालाच नमते घ्यावे लागले. पंचायतीने त्यांचे अनैतिक संबंध नैतिक करण्यासाठी दोघांच्या लग्नावर मंजुरी मिळविली.
लगेचच दोन हार आणि कुंकू आणण्यात आले. तिथेच सर्वासमक्ष भाच्याने मामीच्या कपाळात सिंदूर लावला. एकमेकांना हार घातले आणि दोघांनाही भाच्याच्या घरी पाठवून देण्यात आले. मामीसोबत लग्न करून खुश झाल्याचे भाच्याने सांगितले आहे.