देशातील करोडो शेतकऱ्यांसाठी कोरोनाच्या संकटात खुशखबर आहे. पंतप्रधान नरेंद्र मोदी (PM Narendra Modi) यावेळीही पीएम किसान सन्मान निधी योजनेचा (PM Kisan Samman Nidhi scheme) आठवा हप्ता देणार आहेत. 14 मे रोजी ते शेतकऱ्यांशी बोलणार आहेत. यावेळी याची घोषणा करण्याची शक्यता आहे. (PM Kisan Samman Nidhi 8th installment: Get Rs 2,000 on THIS date, check your name on beneficiary list)
पंतप्रधान नरेंद्र मोदी यांचे संबोधन pmindiawebcast.nic.in वर पाहता येणार आहे. केंद्रीय कृषी मंत्रालयानुसार PM Kisan चा आठवा हप्ता (PM Kisan 8th installment) शेतकऱ्यांच्या खात्यात वळता करण्याची तारीख ठरली आहे. पंतप्रधान नरेंद्र मोदी 14 मे रोजी सकाळी 11 वाजता शेतकऱ्यांना संबोधित करणार आहेत.
आधी आलेल्या वृत्तानुसार राज्य सरकारांनी Rft (Request For Transfer) Sign केले आहे. तसेच केंद्र सरकारनेही Fto (Fund Transfer Order) काढली आहे. तसेच शेतकऱ्यांच्या खात्यामध्ये Rft Signed by State For 8th Installment असा स्टेटस दिसत आहे. PMkisan.gov.in वर जाऊन तुम्ही तुमच्या खात्यामध्ये लॉगिन करून हे तपासू शकणार आहात.
कसे चेक कराल?
- PMkisan.gov.in वर लॉगिन करा...
- तिथे 'Farmers Corner' मिळणार आहे.
- 'Farmers Corner' मध्ये 'Beneficiary List' हा ऑप्शन मिळणार आहे.
- 'Beneficiary List' च्या बटनावर क्लिक करा...
- या पेजवर राज्य, जिल्हा, उप जिल्हा, ब्लॉक निवडा. यानंतर तुमचा गाव निवडा.
- यानंतर 'Get Report' वर क्लिक करा. यामध्ये लाभार्थ्यांची संपूर्ण यादी येणार आहे.
- महत्वाचे म्हणजे ही लिस्ट आद्याक्षरानुसार असते. तसेच एकापेक्षा जास्त पानांची असते.
PM Kisan वर Loanपीएम किसाननुसार रजिस्टर असलेल्या शेतकऱ्यांना आणखी एक फायदा देऊ केला आहे. मोदी सरकार या शेतकऱ्य़ांना कमी व्याजदराने लोनही देते. आत्मनिर्भर भारत योजनेद्वारे (Atmanirbhar Bharat Yojana) हे लोन दिले जाते. सरकारने गेल्या वर्षी शेतकऱ्यांना या योजनेत सहभागी करण्याचे आदेश दिले होते.