नवी दिल्ली : सोशल मीडियापासून दूर राहा असा सल्ला जवानांना द्या, अशा सूचना आम्हाला अनेकांकडून देण्यात येतात. मात्र जवानांना स्मार्टफोनपासून दूर ठेवता येऊ शकतं का?, असा प्रश्न लष्करप्रमुख बिपिन रावत यांनी उपस्थित केला आहे. नवी दिल्लीत 'सोशल मीडिया आणि सुरक्षा दल' या विषयावर बोलताना लष्करप्रमुखांनी त्यांची मतं व्यक्त केली. काही महिन्यांपूर्वी अनेक जवानांनी सोशल मीडियाच्या माध्यमातून आपल्या व्यथा मांडल्या होत्या. यासोबतच सोशल मीडियाच्या माध्यमातून जवान आणि अधिकाऱ्यांना 'हनीट्रॅप' केलं जात असल्याचंही समोर आलं होतं. त्या पार्श्वभूमीवर रावत यांनी स्मार्टफोन आणि सोशल मीडियाबद्दल व्यक्त केलेली मतं महत्त्वपूर्ण मानली जात आहेत.
स्मार्टफोनला विरोध नाही, मात्र त्याचा वापर स्मार्टली व्हावा- लष्करप्रमुख
By ऑनलाइन लोकमत | Updated: September 4, 2018 11:38 IST