एमएमआरडीए प्रकल्पबाधित बेघर

एमएमआरडीए प्रकल्पबाधित बेघर

ए�

��एमआरडीए प्रकल्पबाधित बेघर
पुनर्वसन करण्याची मागणी : रास्ता रोको आंदोलनाचा इशारा
मुंबई :
मुंबई महानगर प्रदेश विकास प्राधिकरणामार्फत राबविण्यात येत असलेल्या मेट्रो-१ आणि मेट्रो ३ प्रकल्पातील शेकडो प्रकल्पबाधितांना अद्यापही हक्काचे घर मिळालेले नाही. या प्रकल्पबाधितांना गणेशोत्सवापुर्वी घराचा ताबा न दिल्यास मुंबई महामार्गांवर रास्ता रोको आंदोलन करण्यात येईल, असा इशारा रेल्वे झोपडप˜ी पुनर्वसन समितीने दिला आहे.
एमएमआरडीए प्रकल्पबाधितांच्या पुनर्वसनासाठी समितीने यापुर्वी भाजपा कार्यालयावर मोर्चा काढला होता. त्यानंतरही मुख्यमंत्री प्रकल्पबाधितांच्या प्रश्नाकडे लक्ष देत नसल्याने अखेर समितीने रस्त्यावर उतरण्याचा इशारा दिला आहे. मेट्रो १ साठी वसार्ेवा, घाटकोपर, भीमनगर येथील ३६१ झोपड्या तोडण्यात आल्या. या प्रकल्पबाधितांचे पुनर्वसन नाहूर येथे करण्याचा निर्णय घेण्यात आला. त्यानुसार बेघर झोपडप˜ीवासियांना ताबा पत्र देण्यात आले असले तरी गेल्या चार वर्षांपासून रहिवाशांना घरांचा ताबा दिला नसल्याचा आरोप समितीचे अध्यक्ष चांगदेव वानखेडे यांनी केला आहे.
मेट्रो ३ प्रकल्पासाठी अंधेरी पूर्व येथील सारिपुत नगर, सिप्झ, एमआयडीसी येथील झोपड्या तोडण्यात आल्या असून येथील झोपडप˜ीवासियांनाही घरांचा ताबा देण्यात आला नसल्याचे, वानखेडे म्हणाले. प्रकल्पबाधितांना एमएमआरडीएने घराचा ताबा न दिल्यास मुंबईसह ठाण्यामध्ये आंदोलन करण्याचा इशाराही समितीने दिला आहे.