अमेरिकेचे राष्ट्राध्यक्ष डोनाल्ड ट्रम्प यांनी पंतप्रधान नरेंद्र मोदी यांच्या राजकीय करिअरसंदर्भात मिश्किल शैलीत केलेले एक जुने विधान सध्या सोशल मीडियावर व्हायरल होत आहे. "मोदींचे राजकीय करिअर उद्ध्वस्त करायची आपली इच्छा नाही!" असे ट्रम्प यांनी मिश्किल शैलीत म्हटले होते. यावर गुरुवारी भारताच्या परराष्ट्र मंत्रालयाने प्रतिक्रिया दिली आहे. यासंदर्भात 'योग्य कारवाई' केली जाईल, असे मंत्रालयाने म्हटले आहे.
नेमकं प्रकारण काय? काय म्हणाले होते ट्रम्प? -गेल्या वर्षी ऑक्टोबर २०२५ मध्ये व्यापार करार आणि रशियान तेल खरेदी, यासंदर्भात अमेरिका आणि भारत यांच्यात तणावाचे वातावरण होते. दरम्यान, १५ ऑक्टोबरला पत्रकारांसोबत बोलताना ट्रम्प मिश्किलपणे म्हणाले होते, "मोदी एक महान व्यक्ती आहेत. काळाच्या कसोटीवर उतरलेले नेते आहेत. ते ट्रम्पवर प्रेम करतात." यावर ट्रम्प क्षणभर थांबतात आणि पुढे म्हणतात, "'प्रेम' किंवा 'लाइक' हे शब्द चुकीच्या अर्थाने घेऊ नयेत, कारण त्यांचे राजकीय करिअर उद्ध्वस्त करण्याची आपली इच्छा नाही."
अमेरिकेसोबत व्यापारी करार झाल्यानंतर हा व्हिडिओ पुन्हा एकदा सोशल मीडियावर मोठ्या प्रमाणावर व्हायरल होत आहे. हा व्हिडिओ सोशल मीडिया प्लॅटफॉर्म एक्सवर अमेरिकन राष्ट्राध्यक्षांनी पंतप्रधान मोदींना दिलेली धमकी म्हणून सादर केला जात आहे. मात्र, प्रत्यक्षात ट्रम्प यांनी हे विधान विनोदी सुरात अथवा मिश्किल शैलीत केले होते.
काय म्हणालं परराष्ट्र मंत्रालय? परराष्ट्र मंत्रालयाचे प्रवक्ते रणधीर जयस्वाल यांना साप्ताहिक माध्यम ब्रीफिंगदरम्यान या व्हिडिओसंदर्भात विचारले असता, कडक शब्दांत ते म्हणाले, "मी अद्याप व्हिडिओ बघितलेला नाही; मात्र, असा काही व्हिडिओ असल्यास, तो खरा असो वा खोटा, त्यावर योग्य ती कारवाई केली जाईल."
Web Summary : Trump's old, jocular remark about not wanting to ruin Modi's career resurfaced, causing a stir. The MEA stated that appropriate action will be taken regarding the video.
Web Summary : मोदी के करियर को बर्बाद न करने की ट्रम्प की पुरानी मज़ाकिया टिप्पणी फिर से सामने आई, जिससे हंगामा मच गया। विदेश मंत्रालय ने कहा कि वीडियो के संबंध में उचित कार्रवाई की जाएगी।