औरंगाबादमध्ये महापौरांनी वाहिली अतुल सावेंना श्रद्धांजली !

औरंगाबादच्या महापौरांनी वाहिली अतुल सावेंना श्रद्धांजली !

औ�

��ंगाबादच्या महापौरांनी वाहिली अतुल सावेंना श्रद्धांजली !
सभागृहात पिकला हशा : शेम शेमचाही दिला नारा; उपमहापौर संतापले
औरंगाबाद : औरंगाबाद महापालिकेची सर्वसाधारण सभा शनिवारी श्रद्धांजलीमुळे गाजली. माजी मुख्यमंत्री बॅ. ए. आर. अंतुले यांना श्रद्धांजली अर्पण करण्याऐवजी महापौर कला ओझा यांनी माजी मुख्यमंत्री अतुल सावे असे संबोधित करून श्रद्धांजली वाहिली. त्यांच्या या वक्तव्यामुळे भाजपा नगरसेवकांनी सभागृहात शेम शेमचा नारा दिला. उर्वरित नगरसेवक, अधिकारी हास्यकल्लोळात बुडाले. अंतुले आणि अतुल या शब्दातील भेद महापौरांना ओळखता न आल्यामुळे त्यांनी अतुल सावे यांना श्रद्धांजली असा ठराव पारित केला. महापौर ओझा यांनी सावे यांना श्रद्धांजली वाहिल्याचे शब्द तातडीने दुरुस्त करून अंतुले यांना श्रद्धांजली वाहण्यात येणार असल्याचा बदल सभागृहात सुचविला.
हे असे पहिल्यांदाच घडले, असे नाही. ओझा यांनी आजवर अनेकदा शब्दोच्चार करताना चुकीची वक्तव्ये केली आहेत. सभागृहात व इतर सार्वजनिक ठिकाणी त्यांच्या तोंडून चुकीची वक्तव्ये निघाल्यामुळे त्यांना पक्षनेत्यांनी वारंवार समज दिली. गेल्या महिन्यात नगरसेवक राजगौरव वानखेडे यांचे वडील हरिभाऊ वानखेडे यांचे निधन झाले. त्यांना श्रद्धांजली अर्पण करण्याऐवजी ज्येष्ठ नेते हरिभाऊ बागडे यांचे नाव महापौरांनी घेतले होते. त्यावेळीही सभागृहात भाजपा नगरसेवकांनी दुरुस्तीची मागणी केली होती.
माजी महापौर विमल राजपूत यांनी शिवसेनाप्रमुख बाळासाहेब ठाकरे यांच्या वाढदिवसानिमित्त त्यांना अभिवादन केले होते. त्यांच्या या वक्तव्यामुळे पक्षाने महापौरपद काढून घेतले होते. (प्रतिनिधी)