‘महापौर तुमचा, तर आमदारकी माझी!’

येत्या शुक्रवारी होणा:या येथील महापौरपदाच्या निवडणुकीत कसेही करून हे पद आपल्या हातून निसटू द्यायचे नाही, असे ठरवून मनसेने दहा दिवस अगोदरच आपले सारे नगरसेवक दूर सहलीवर पाठवून दिले

क�

��म संथगतीने : उपमहापौरांच्या घोषणेला उलटला महिना
वडाळागाव : येथील महारुद्र हनुमान मंदिराच्या मागील बाजूस बांधण्यात आलेल्या वीस दशलक्ष लिटर क्षमतेच्या जलकुंभाचे काम अंतिम टप्प्यात परंतु संथगतीने सुरू आहे. त्यामुळे अद्याप जलकुंभावरून होणार्‍या पाणीपुरवठ्याला मुहूर्त मिळत नसल्याने तीव्र नाराजी व्यक्त केली जात आहे.
वडाळागावाचा पाणीपुरवठा कायमस्वरूपी सुरळीत व्हावा, यासाठी नवीन जलकुंभ महापालिका प्रशासनाने बांधला असून, या जलकुंभाचे काही तांत्रिक काम अद्याप अपूर्ण असल्यामुळे सदर जलकुंभ ठेकेदाराकडून हस्तांतरीतदेखील करण्यात आला नसल्याचे प्रशासकीय सूत्रांनी सांगितले. जलकुंभाचे काम कासवगतीने सुरू असून, दुसरीकडे उपमहापौर सतीश कुलकर्णी यांनी जुलै महिन्याच्या अखेरच्या आठवड्यात पत्रकार परिषद घेऊन स्वातंत्र्यदिनाच्या मुहूर्तावर वडाळा जलकुंभावरून पाणीपुरवठा सुरू केला जाईल, अशी घोषणा केली होती; मात्र कुलकर्णी यांचा सदर मुहूर्त टळला असून, त्यांची घोषणा हवेत विरली आहे. जलकुंभाची रंगरंगोटी झाली असल्याचे दिसत असले तरी प्रत्यक्षात बहुतांश काम अपूर्ण असून त्यामुळे विलंब होत असल्याची माहिती उपअभियंता अनिल नरसिंगे यांनी दिली आहे. जलकुंभाचे कोणते काम अपूर्ण आहे असे त्यांना विचारले असता नरसिंगे यांनी सांगण्यास स्पष्ट नकार दिला. एकूणच जलकुंभाच्या कामाची अधिकार्‍यांकडून उपमहापौरांना सविस्तर माहिती दिली गेली नसल्यामुळे कदाचित उपमहापौरांनी जलकुं भावरून पाणीपुरवठा लवकरच सुरू केला जाईल, हे जाहीर करण्याची घाई केली असावी. महापालिकेचे अधिकारी-लोकप्रतिनिधी यांच्यामध्ये समन्वय नसल्यामुळे नागरिकांची अपेक्षा भंग होते. याचा प्रत्यय वडाळागावाचा जलकुंभ सुरू करण्याबाबत आला असून, अधिकारी म्हणतात जलकुंभाचे काम अपूर्ण व उपमहापौर म्हणतात जलकुंभाचे काम पूर्ण यामुळे नागरिकांमध्ये संभ्रमावस्था निर्माण झाली आहे. एकूणच या नवीन जलकुंभावरून वडाळावासीयांच्या नळांना कधी पाणीपुरवठा होईल? याबाबत प्रश्नचिन्ह कायम आहे.
कोट....
वडाळा जलकुंभाचे काम पूर्ण झाले असून, केवळ जलकुंभाच्या आतील बाजूचे रंग हवामानामुळे वाळत नसल्याने जलकुं भ सुरू करण्यास विलंब होत आहे. जलकुंभाच्या नवीन जलवाहिन्यांच्या जोडणीचे कामही पूर्ण झाले आहे व बांधकामदेखील पूर्णत्वास आले आहे. याबाबत माझा पाठपुरावा सुरू असून, लवकरच वडाळा जलकुंभ सुरू होईल, याची खात्री नागरिकांनी बाळगावी.
- सतीश कुलकर्णी, उपमहापौर

फोटो क्रमांक- ०२पीएचएसपी १४५- वडाळागावातील जलकुंभ सुरू करण्याला अद्याप मुहूर्त लागत नसल्याने नागरिकांमध्ये संभ्रमावस्था आहे.