विवाहितेची हत्या : दोष सिद्ध

व�

��वाहितेची हत्या
तिघांविरुद्ध दोष सिद्ध

न्यायालय : मंगळवारी शिक्षेवर सुनावणी

नागपूर : चारित्र्यावर संशय घेऊन एका विवाहितेला क्रूर वागणूक देऊन तसेच तिचा शारीरिक व मानसिक छळ करून जिवंत जाळून हत्या केल्याचा तीन आरोपींविरुद्ध प्रमुख जिल्हा व सत्र न्यायाधीश किशोर सोनवणे यांच्या न्यायालयात शुक्रवारी दोष सिद्ध झाला. मंगळवारी न्यायालयात आरोपींच्या शिक्षेवर सुनावणी होणार आहे.
राजेश मदनलाल जोशी (३३), विमल मदनलाल जोशी (५३) आणि पवन मदनलाल जोशी (३१), अशी आरोपींची नावे असून ते सर्व लकडगंज पोलीस ठाण्याच्या हद्दीतील लालगंज गुजरी येथील रहिवासी आहेत. संगीता राजेश जोशी (२८), असे मृत महिलेचे नाव होते.
हत्येची घटना ८ नोव्हेंबर २०१३ रोजी सकाळी ५ ते ७ वाजताच्या दरम्यान घडली होती. घटनेच्या दीड वर्षांपूर्वी संगीताचा राजेश जोशी याच्यासोबत विवाह झाला होता. राजेश हा पाणीपुरी विकण्याचा व्यवसाय करायचा. संसाराला लागल्यापासूनच माहेरून पैसे आणण्याची मागणी करून तिच्या छळाला सुरुवात झाली होती. पुढे संशयखोर पतीकडून तिच्या चारित्र्यावर संशय घेतल्या जात होता. तिला तो वारंवार मारहाण करायचा. पती, सासू आणि दीर हे तिला क्रूर वागणूक देऊन तिचा शारीरिक व मानसिक छळ करीत होते. या छळाविरुद्ध तिने कामठीच्या आपत्ग्रस्त महिला मार्गदर्शन व मदत केंद्राकडे तक्रारही केली होती. परंतु समझोता घडवून तिला पुन्हा या संसारात ढकलण्यात आले होते.
घटनेच्या दिवशी संगीता ही सहा महिन्यांचा मुलगा जय याने अंगावर लघवी केल्याने झोपेतून उठली होती. ती आपली साडी स्वच्छ करीत असतानाच तिचा पती राजेश याने तिच्या चारित्र्यावर संशय घेत तिच्याशी भांडायला सुरुवात केली होती. त्यानंतर तिची सासू विमल ही उठून राजेशजवळ आली होती. मोहल्ल्यात आपली खूप बदनामी झाली आहे, आज हिला खतम करून टाकू, अशी चिथावणी तिने दिली होती. राजेशने तिच्या अंगावर रॉकेल ओतले होते. दीर पवन याने तिला पकडून ठेवून विमलने आगकाडी उगाळून तिला जाळले होते. मेयो इस्पितळात तिला उपचारार्थ दाखल करण्यात आले होते. मृत्यूपूर्व बयाण नोंदवल्यानंतर १३ नोव्हेंबर २०१३ रोजी तिला वैद्यकीय अधिकाऱ्यांनी मृत घोषित केले होते.

अपूर्ण -----